Despois de varios borradores xa temos o texto definitivo polo que se vai a
regular os horarios e o calendario laboral das oficinas da Administración de
Xustiza en Galicia para o ano 2024, texto que recolle moi poucas melloras das propostas por este sindicato, e aínda que a Adminsitración, de entrada, se mostrou favorable a moitos delas, durante o proceso de negaciación rexeitounas .
A falla do informe favorable do Consello Xeral do
Poder Xudicial e a posterior publicación no DOG, as NOVIDADES que encontramos
son:
Parte flexible do horario de INVERNO:
distribuirase, á elección do/a empregado/a público, ata alcanzar o tempo de
traballo mensual previsto no anexo desta resolución e poderase cumprir, de luns
a venres, entre as 7.30 e as 9.00 horas e entre as 14.00 e as 20.00 horas.
Compensaciones horarias.:”No caso dos xulgados
exclusivos de violencia sobre a muller, previa certificación do letrado/a
acreditando que se debe a actuacións urxentes, computarase cada hora traballada
entre as 15:00 e as 22.00 horas de luns a venres, como dúas horas efectivas, ou
a parte proporcional correspondente”.
Vacacións: As vacacións gozaranse en períodos
mínimos de cinco días hábiles consecutivos, dentro do ano natural e ata o 31 de
xaneiro do ano seguinte.
Sen prexuízo do anterior, e sempre que as
necesidades do servizo o permitan, sete dos días de vacacións poderán gozarse
de xeito independente.
Estes sete días poderán acumularse, sempre que as
necesidades do servizo o permitan, aos días de asuntos particulares.
Flexibilización do horario fixo da xornada
diaria.:
-Ter fillos ou fillas ou persoas acollidas menores
de idade.
-No suposto de que o cumprimento da maioría de
idade se produza antes da finalización do curso escolar, a persoa interesada poderá
solicitar a súa prórroga con motivación da súa petición.
-A persoa empregada pública manterá a
flexibilidade horaria por conciliación familiar aínda que cambie de posto de
traballo, sempre que o permitan as necesidades do servizo do novo posto.
Adaptación progresiva da xornada de traballo
ordinaria: O persoal funcionario que se reincorpore ao servizo efectivo á
finalización dun tratamento de radioterapia, quimioterapia ou outros
tratamentos de especial gravidade poderá reducir nos trinta días seguintes a
súa xornada nunca porcentaxe do 50% da duración da xornada diaria,
preferentemente na parte flexible, que considerará como tempo de traballo
efectivo, e poderá ampliarse noutros trinta días, logo de valoración polo
órgano competente. A solicitude irá acompañada da documentación que achegue a
persoa interesada para acreditar a existencia desta situación, e a
Administración deberá resolver ao respecto nun prazo de tres días, sen prexuízo
de que para comprobar a procedencia desta adaptación a Administración poida
reclamar informes do Servizo de Prevención de Riscos Laborais, ou de calquera
outro órgano que considere oportuno, sobre o tratamento recibido ou as
actividades de rehabilitación que lle foron prescritas.
STAJ, sindicato independente e específico de Xustiza, sen subvencións e sen ataduras
