Con carácter xeral, os mutualistas de Mugeju e beneficiarios teñen que pagar un 30% do prezo de venda ao público dos medicamentos, coa excepción dos medicamentos subministrados en establecementos sanitarios, farmacia hospitalaria ou que sexan necesarios con motivo de accidente en acto de servizo ou enfermidade profesional, que serán gratuitos.
Ademais, a normativa da Mutualidade Xeral Xudicial conta cun réxime de aportación
reducida do 10% cun límite máximo por envase para determinados medicamentos
destinados a enfermidades crónicas ou graves.
Este copago
funciona da seguinte maneira:
1.
Medicamentos de aportación reducida (10%)
Para os
medicamentos pertencentes a grupos terapéuticos específicos destinados ao
tratamento de enfermidades crónicas ou graves (os que teñen un cícero ou
punto negro no cartonaxe), a achega do mutualista redúcese.
O
mutualista paga un 10% do prezo de venda ao público (PVP).
Aplícase un tope máximo por envase (fixado polo
Ministerio de Sanidade en 4,98 €). Calquera cantidade por enriba dese
tope non se abona.
2.
Tratamentos especiais e supostos de reintegro (0% ou 10%)
Existe
unha regulación específica de reintegro
de gastos de farmacia de Mugeju para
situacións onde certas patoloxías complexas requiren condicións especiais de
achega:
Tratamentos
específicos: Para algunhas enfermidades graves concretas (como o
tratamento do VIH/SIDA, a fibrose quística, a enfermidade de Paget ou as
estatinas para a hipercolesterolemia familiar heterocigota), aplícanse
condicións de copagamento especiais.
Reembolso pola diferenza: Se nunha
oficina de farmacia che cobraron por erro o 30% xeral sobre un medicamento de
aportación reducida ou especial, pódese solicitar a devolución da diferenza
achegando o informe médico e as facturas a través da Sede Electrónica de
MUGEJU.
O
mutualista de Mugeju ( tanto o que se
atopa en activo como xubiliado seguierá pagando o 30% como normal xeral do PVP,
para todos os demáis medicamentos que non estean catalogados polo Ministerio de
Sanidade como de achega reducida.
Na Seguridade Social (lembremos
que todos os funcionarios titulares de xustiza somos de Mugeju para os medicamentos, independientemente da nosa
data de entrada), as normas si cambian por completo ao xubilarse: os
traballadores activos pagan entre un 40% e un 60%, e ao pasaren á xubilación o
copagamento báixalles ao 10% (cun tope mensual segundo a súa renda).
Porén,
no réxime especial de MUGEJU, en Clases Pasivas mántense os mesmos dereitos e
obrigas tanto en activo como xubilado.
STAJ, sindicato independente e específico de Xustiza, sen subvencións e sen ataduras
