Hoxe martes coñecemos os datos de
crecemento do PIB a conta do crecemento do 2,5% do PIB de 2023 (un 7,2% o PIB
nominal), polo que recibiremos unha
subida de medio punto adicional (0,5%), dado que o acordo retributivo
recolle que os soldos dos empregados públicos subirán se a economía española
crecía un 2,4% ou máis, algo que se acaba de confirmar.
Desta forma, cúmprese a condición
para activar esta terceira subida salarial do ano 2023 para todos os empregados
públicos. Ademais, o compromiso alcanzado entre os sindicatos e o Executivo
indica que este novo incremento complementario do ano 2023, será "de
carácter consolidable e tería efectos do 1 de xaneiro de 2023". Por iso,
todos os empregados públicos recibiremos
nunha próxima paga este incremento de forma acumulada correspondente aos 12
meses do ano pasado. Esta contía consolidarase ademais, incrementando a
base sobre as que se aplicará a nova subida salarial comprometida para 2024,
que segundo o citado acordo marco será do 2%. Aínda que, este último incremento
aínda non se aplicou nas nosas nóminas, algo que se fará cando se aprobe
presupuestariamente e de forma tamén retroactiva desde o 1 de xaneiro pasado.