O
Consello da Xunta de Galicia aprobou, unha vez que o Consello de
Relacións Laborais emitiu o correspondente ditame, o calendario laboral de Galicia
para o próximo ano 2023, no cal se fixan como festivos propios os días das Letras Galegas (17 de maio) e o Día
Nacional de Galicia (25 de xullo).
A Normativa estatal fixada
polo Real Decreto 2001/1983, establece as 14 festas anuais de ámbito nacional
non recuperables remuneradas e de carácter obrigatoiro. Destes 14 festivos,
dous son elixidos por cada concello. Dos outros 12 restantes, 9 son de carácter obrigatorio e non
substituibles non sendo que coincidan en domingo: 1 de xaneiro, Venres Santo (7 de abril en 2023), 1 de maio, 15 de
agosto, 12 de outubro, 1 de novembro, 6 de decembro, 8 de decembro e 25 de
decembro. No ano 2023 fai un festivo nacional de carácter obrigatorio que
coincide en domingo: 1 de xaneiro (Aninovo), que Galicia propón substituir polo
17 de maio, día das Letras Galegas.
Os outros tres festivos de carácter
nacional son opcionais, é dicir, poden ser substituidos polas comunidades autónomas:
o 6 de xaneiro, que en Galicia nunca
se cambia, agás que coincida en domingo; o
Xoves Santo, que en 2023 se
celebrará o 6 de abril e na
comunidade galega non se modifica de xeito tradicional; e tamén se lles dá a
opción ás comunidades de escoller como opcional entre o 19 de marzo e o 25 de xullo. Sempre eliximos o 25 de
xullo, xa que é o Día Nacional de Galicia, tal como quedou establecido polo
Real Decreto 8/1978, do 10 de xullo.
Unha vez aprobados os festivos de carácter autonómico por parte do Consello da Xunta de Galicia, publicaranse no Diario Oficial de Galicia (DOG). Ademais, cada un dos concellos galegos levarán a cabo a determinación de dous días como propios da súa localidade.
