Parece ser que este ano a DXX ten pensado acometer a reforma
e creación da nova Oficina Fiscal, resumímosvos a continuación de que se trata
e para maior información vos achegamos un documento detallado sobre a Nova
Oficina Fiscal.
Os
principios inspiradores do novo modelo serán basicamente os seguintes:
1)
Creación da figura do xestor de persoal: A xefatura da oficina no aspecto
organizativo ha de ser exercitada por persoal especializado dependente da
Administración competente (estatal ou autonómica), con competencias directas e
executivas sobre este, sen prexuízo da supervisión do Fiscal Xefe respectivo.
2)
Modernización dos métodos de traballo: Deberán introducirse técnicas de xestión
de persoal e de distribución de tarefas. Para iso, será preciso a implantación
xeneralizada das novas tecnoloxías e de sistemas de xestión de calidade, en
prol da modernización, racionalización e optimización dos medios humanos,
materiais e tecnolóxicos.
3)
Relación de postos de traballo. O sistema de ordenación do persoal ao servizo
da Fiscalía, será a relación de postos de traballo, correspondendo á Comunidade
Autónoma o deseño e aprobación destas. Estas conterán unha descrición de cales
son os postos de traballo cos requisitos para o desempeño de cada un deles.
A DXX remitiunos hai un días o borrador do Decreto que establece a organización da Nova Oficina Fiscal en Galicia, negociada case en segredo cos órganos da Fiscalia e sin apenas intervención dos representantes dos traballadores, polo que en breve presentaremos, por escrito, alegacións a ese Decreto. Quedan aínda que regular as Rpts, pedra angular desta reforma.
Ver documento