A semana pasada produciuse a
incapacidade temporal da funcionaria de auxilio xudicial do Xulgado de
Instrución nº 1 de Ferrol, esta baixa laboral prevese que teña unha duración
mínima dun par de meses. O Xulgado de Instrución nº 1 de Ferrol realiza gardas
semanais de permanencia, e o seu persoal está dotada dun só auxilio xudicial,
como o resto de xulgados da localidade. Este sindicato tivo coñecemento que a
Letrada da Administración de Xustiza que está a substituír á Letrada titular
por vacacións, realizou a petición mediante a aplicación Opax, en canto tivo
coñecemento da devandita ausencia, dada a urxencia coa que se necesita.
Estamos en pleno período
estival, e o persoal do Xulgado de Instrución nº 1 non pode facerse cargo da
devandita praza, nin por funcións, nin por dispoñibilidade, nin por carga de
traballo. A seguinte garda que lles corresponde realizar por calendario
establecido é a do 27 de xullo ao 3 de agosto de 2021.
É totalmente imprescindible
e urxente o nomeamento dun auxilio xudicial para o Xulgado de Instrución nº 1
de Ferrol, dado que é o que realiza a gravación dos xuízos rápidos entre unha
das súas moitas funcións dentro da realización das gardas xudiciais,
producíndose un atraso no trámite dos procedementos, que prexudica aos
profesionais e público en xeral.
Por todo isto SOLICITAMOS
que se nomee con carácter urxente un/unha funcionario/a do corpo de auxilio
xudicial para o Xulgado de Instrución nº 1 de Ferrol.
Ver escrito e xustificante de presentación