Dende STAJ presentamos escrito ante a Dirección Xeral de Xustiza solicitando que se volvan a activar a totalidade das prolongacións de xornada que estaban concedidas antes da declaración do estado de alarma e que hoxe siguen sendo absolutamente necesarias ao continuar existindo as condicións que motivaron a súa implantación.
Por Real Decreto 463/2020, do 14 de marzo, declarouse o
estado de alarma para a xestión da situación de crise sanitaria ocasionada polo
COVID-19, dispoñendo a suspensión da maioría dos prazos procesuais e con iso a
suspensión de gran cantidade de actuacións xudiciais. Posteriormente por
resolucións ministeriais e da Dirección
Xeral de Xustiza establecéronse os
servizos esenciais e a dotación mínima de funcionarios que debían garantir o
seu cumprimento. Esta dotación de efectivos foi reducíndose posteriormente como
medida de control da expansión de contáxios, parecendo razoable que non
continuasen funcionando as prolongacións de xornada acordadas para varios
xulgados (excepto en xulgados que deberon continuar, como os de
violencia contra a muller, que pola súa natureza continuaron traballando a un
ritmo case normal). Finalizado o motivo que supuxo a eliminación das
prolongacións de xornada, pola finalización do estado de alarma e a consecuente incorporación da totalidade dos
funcionarios aos xulgados asi como a volta a unha case normalidade na
actividade xudicial, ditas prolongacións deberon ser reactivadas de oficio
dado que co regreso á normalidade volveron tamén as razóns que motivaron a súa
implementación. Parece lóxico que isto debería suceder así, pero pasados varios
meses desde a finalización do estado de alarma observamos que pola DXX non se adoptan os acordos necesarios para
iso e, a data de hoxe, só unha minoría delas foron restituidas.