A DXX acaba de comunicarnos
que está prevista a publicación da convocatoria para a provisión mediante
comisión de servizos das prazas de nova creación das Fiscalías.
Deixámosvos o texto da
convocatoria:
Resolución da Dirección
Xeral de Xustiza, pola que se ofertan en comisión de servizos postos vacantes
de nova creación entre persoal funcionario dos corpos de Xestión procesual e
administrativa, e Tramitación procesual e administrativa.
Aprobada a creación de
determinadas prazas nas distintas Fiscalías da Comunidade Autónoma de Galicia,
procede anunciar a súa provisión temporal co obxecto de que o persoal
funcionario interesado poida solicitar as oportunas comisións de servizos.
Obxecto:
O procedemento e a
convocatoria teñen por obxecto posibilitar a provisión de forma temporal,
mediante comisión de servizos, dos postos de traballo reservados ao persoal
funcionario integrante dos corpos de xestión procesual e administrativa, e de
tramitación procesual e administrativa que se indican no anexo I.
Solicitantes:
Poderán solicitar as
comisións de servizos, con exención de funcións nos seus postos actuais, os
funcionarios de carreira dos corpos ao servizo da Administración de xustiza que
se atopen en situación de servizo activo no mesmo corpo do posto que se
convoca, e que no prazo de presentación de solicitudes leven prestando como
mínimo seis (6) meses de servizos no posto dende o que participa, xa sexa
provisional ou definitivo.
Criterios
de adxudicación:
A adxudicación das comisións
de servizos farase segundo a orde de preferencia fixada por cada solicitante na
súa instancia e con base na maior puntuación obtida tras se aplicaren os mesmos
criterios ca nun concurso de traslados: antigüidade e nivel de coñecemento da
lingua galega. En caso de empate, acudirase ao escalafón.
Informe:
Para cumprir co previsto no
artigo 73 do Real decreto 1451/2005, as solicitudes irán acompañadas co
informe, preceptivo e non vinculante, da persoa responsable do órgano, servizo
ou unidade en que se atope destinado o persoal funcionario solicitante. No caso
de que o órgano correspondente non emita informe, entenderase que este é
favorable, sempre que o interesado acredite que o solicitou. Ademais, para o
caso de que o destino da persoa solicitante radique fóra da Comunidade Autónoma
de Galicia, esta deberá presentar, xunto coa solicitude, o informe favorable do
Ministerio de Xustiza ou órgano competente da comunidade autónoma respectiva.
De non ser posible, deberá presentar acreditación de que efectivamente o
solicitou.
Lugar
e prazo e forma de presentación de solicitudes:
1.- O prazo de presentación
de solicitudes será de diez (10) días hábiles contados a partir do día seguinte
ao da publicación desta convocatoria Na intranet de Xustiza
(http://intranet.xustiza.gal) e mais na web da Vicepresidencia e Consellería de
Presidencia, Administracións Públicas e Xustiza (http://cpapx.xunta.gal).
2.- Todas as persoas
solicitantes deberán completar obrigatoriamente a súa solicitude a través do
formulario electrónico dispoñible na Oficina Virtual do Persoal da
Administración de Xustiza (OPAX), no sitio web http://opax.xunta.es. A persoa
solicitante deberá ter un usuario rexistrado na OPAX. Para o suposto de non
contar co usuario, deberán solicitar as credenciais para o acceso ao sistema
OPAX premendo no enlace dispoñible “convocatoria de comisións de servizo”.
3.- Para cubrir e presentar
correctamente a solicitude, no dito sitio web disporase de instrucións de axuda
que deberán ser observadas en todo momento. En caso de dúbida, dificultades
técnicas ou necesidade de máis información, as persoas interesadas poderán
dirixirse á Dirección Xeral de xustiza, ao número de teléfono 981546219 ou a
través do correo electrónico servicio.persoal.xustiza@xustiza.gal .
4.- Todas as persoas
solicitantes realizarán necesariamente a sinatura da solicitude e mais a súa
presentación de forma telemática, para o cal fará uso dun certificado dixital
recoñecido (DNI electrónico, tarxeta de identificación de persoal ao servizo da
Administración de xustiza Rúa Madrid, 2-4, 2º Polígono das Fontiñas 15781
SANTIAGO DE COMPOSTELA en Galicia ou outro que a Comunidade Autónoma de Galicia
considere válido). O sistema asignará un código de presentación que acreditará
a presentación electrónica, e será posible obter do sistema un xustificante
desta.
5.- Na solicitude deberanse
enumerar, por orde de preferencia, as unidades e localidades que se solicitan.
Canda a solicitude haberá que presentar una copia cotexada da certificación ou
diploma que acredite o coñecemento da lingua galega.
Características
das comisións de servizos:
A provisión temporal das
prazas ofertadas concederase co carácter de comisión de servizos voluntaria. A
duración da comisión de servizos abranguerá ata a adxudicación das prazas
mediante concurso de traslados, sendo o período mínimo de permanencia na
comisión de servizos de seis (6) meses, sen que en ningún caso se poida exceder
o período máximo previsto na normativa aplicable.
En caso de renuncia á
comisión de servizos antes de que transcorran seis (6) meses, o funcionario non
poderá acceder a unha nova comisión de servizos durante un prazo dun ano
contado dende a data de inicio da referida comisión. Todos os funcionarios
seleccionados se deberán presentar no destino asignado o día indicado na
resolución en que se publique a lista definitiva de adxudicacións.
No caso de que algún dos
seleccionados non se presente ao posto adxudicado, terase por renunciado e
cubrirase o posto co seguinte funcionario da relación definitiva de puntuación.
As vacacións e permisos
para gozar dende o día de inicio da comisión de servizos deberanse solicitar
novamente dende no destino asignado en comisión de servizos. Os funcionarios
que se atopen en comisión de servizos conservarán o seu posto de orixe e terán
dereito ás retribucións complementarias do posto que desempeñenVER Convocatoria
INFORMARÉMOSVOS DE FORMA INMEDIATA EN CANTO SEXA PUBLICADA
STAJ, sindicato independente e específico de Xustiza, sen subvencións e sen ataduras