Onte publicouse no DOGA, un acordo entre a Conselleria de Sanidade e otras Consellerias da Xunta de Galicia, entre elas a de Xustiza, para facer efectivo un control sobre as incapacidades temporais (baixas).
Dentro do obxecto deste acordo de encomenda de xestión
desenvolverase un programa especial de inspección e control da incapacidade
temporal por parte dos servizos de Inspección Sanitaria da Consellería de
Sanidade.
O obxecto do
acordo de encomenda de xestión é propiciar unha colaboración eficiente entre os
diferentes departamentos da Xunta de Galicia para levar a cabo o control da
prestación sanitaria por incapacidade temporal do empregado público da función
pública galega adscrito, para os efectos deste aseguramento, ao mutualismo
administrativo de Muface e Muxexu.
Trátase, por tanto, de comprobar que o absentismo por
incapacidade temporal se adecúe a situacións médicas reais en que o repouso
laboral debe formar parte do tratamento clínico, o que cumpriría con dúas
premisas esenciais que garantirán unha maior eficiencia na Administración da
Xunta de Galicia para:
1. Evitar a potencial existencia de prácticas que desvirtúen a
esencia da prestación.2. Reducir as repercusións económicas das prácticas incorrectas
dentro do capítulo I dos orzamentos xerais da Xunta de Galicia.En consecuencia, o acordo define o ámbito de
aplicación, concreta as cuestións de competencia e a colaboración entre as
unidades e axentes implicados para acadar con éxito un área do programa
especial de inspección e control da incapacidade temporal, no ámbito do
empregado público que pertence ao réxime especial da Seguridade Social de
funcionarios civís do Estado e da Administración de xustiza xestionado por
Muface e Muxexu, respectivamente, non sometido ata este momento a ningún
control por parte das unidades de saúde laboral da Inspección Sanitaria.O
acordo de encomenda de xestión entrará en vigor o día seguinte ao da súa
publicación no Diario Oficial de Galicia e
producirá efectos ata o 31 de decembro de 2016; poderá ser prorrogado por
períodos anuais.