O departamento de Campo tomará ao
pequeno municipio burgalés de Lerma como experiencia piloto para poñer en
marcha un proxecto que pretende facilitar as relacións da cidadanía no acceso á
Administración de Xustiza e estenderase ao resto do país. Transformará os
tradicionais xulgados de paz.
Campo explicou que se trata dun
servizo que pretende integrarse nos hábitos dos cidadáns para servirlles na
información, asesoramento e a tramitación, á vez que lles facilita todo o apoio
e acompañamento que necesitan en xeral todas as persoas, pero especialmente os
máis vulnerables, como as persoas maiores e os discapacitados, no seu
achegamento á Xustiza. Para o ministro, estes espazos terán máis posibilidades,
se se aproveita a tecnoloxía para crear estruturas sólidas ao longo do
territorio.
Juan Carlos Campo insistiu no
obxectivo do Ministerio de “levar a política e as decisións políticas ao
territorio, á España máis aló de Madrid e procurar tamén a proximidade á
Xustiza”. “A obsesión do Goberno e deste Ministerio – subliñou é que todos os
servizos públicos estean accesibles ao cidadán en algo que, por outra banda, é
doutrina do Tribunal Constitucional: a proximidade dos ámbitos de resposta ao cidadán e,
despois, unha organización eficaz”.
Sostén o ministro que “a Oficina
de Xustiza no municipio pode ser un mecanismo que transforme os tradicionais
xulgados de paz”. “É un primeiro chanzo,
un primeiro contacto da cidadanía coa Xustiza, que vai acompañar a ese cidadán
nos seus trámites e o seu asesoramento para facilitarlle a vida, que é o que
teñen que facer as administracións”, concluíu.
VER A NOTICIA
STAJ, sindicato independente e específico de Xustiza, sen subvencións e sen ataduras