Os xuices dos xulgados de Instrución de Vigo e A Coruña
aproban en xunta sectorial por unanimidade que sexa o TSJ de Galicia o que de forma inmediata
solicite á Xunta a dotación orzamentaria necesaria para a implantación do
sistema de 24 horas nos respectivos partidos xudiciais.
A situación actual, en principio é distinta que a do ano 2011. Cóntase co informe favorable do CGPJ, quen recoñece que melloraría o servizo que se ofrece á cidadanía, da Sala de Goberno do TSJ de Galicia, así como a dotación económica de Ministerio de Xustiza, a cal foi incluída nos Orzamentos Xerais do Estado para o ano 2022.
A iniciativa conta desde hai anos co apoio unánime de todos os colectivos implicados na Administración de Xustiza. A tendencia cada vez mais á alza dos índices de criminalidade, fundamentalmente furtos e estafas, os delitos relacionados coa violencia de xénero, todo iso fai imprescindible o cambio do servizo de garda o cal garantiría mais eficacia e axilidade, permitindo que a resposta xudicial se ofrecésese desde o preciso momento en que se formulase a petición.
A implantación do mesmo melloraría a imaxe das dúas localidades, calquera cidadán podería comparecer nas dependencias xudiciais e ser atendido a calquera hora prestando así tamén un servizo esencial a eses miles de turistas que cada ano visítannos e que nalgúns casos son vítimas de delitos.
Aínda que no ano 2011 as cidades de Vigo A Coruña e Córdoba iniciaron este camiño, no ano 2019 xa se implantara en Córdoba o cal non pasa en Galicia.
A falta dunha Consellería de Xustiza consciente das vantaxes que pode
reportar esa inmediatez para o cidadán, a posibilidade de poder formular unha
denuncia a calquera hora, a vontade política; quizais sexa o que nos diferencia
con Córdoba.
Por todo iso desde STAJ solicitamos á DXX e ao novo Conselleiro de Presidencia Xustiza e Deportes, que dispoña o necesario para facer efectiva a dotación orzamentaria que permita a implantación do servizo de garda de 24 horas en Vigo e A Coruña, e acabar coa discriminación que vimos sufrindo con respecto a outras localidades que co mesmo número de xulgados de instrución, poboación e estatística veñen gozando do devandito servizo hai varios anos. En definitiva A Coruña e Vigo necesitan dispoñer un servizo moderno, áxil , eficaz que garanta a inmediatez na resposta xudicial e que respecte a tutela dos dereitos fundamentais e garantías procesuais.