Sentín noxo, moito noxo o pasado xoves cando Montoro anunciou cunha media sorrisa burlona,
que nos ía a devolver o 25% da paga extra roubada no 2012.
Un 25% en cómodos prazos ó longo do ano
2015, non vaia a ser que nos atragantemos coa enchenza de cartos. Estounos
vendo, a Montoro e o seu equipo, partíndose de risa no momento en que tomaron
esa decisión.
Sí, rinse de nós e de toda a cidadania,
o vincular esta devolución a mellora da economía, como un xesto xeneroso en
agredecemento aos empregados públicos que tanto sacrificio fixemos polo ben do
país.
Non
dixeron nin Montoro nin Rajoy que ese 25% supón pouco máis (tan solo un día) dos
44 días da extra que os tribunais están obrigando a devolver ós
funcionari@s de tódalas administracións do Estado, como consecuencia de que ata
o 15 de xullo non entrou en vigor o RDL que nos furtaba a extra. Non nos están a dar nada, tan solo o que os
tribunais, tarde ou cedo, acabarían dándonos de xeito xeneralizado.
Dalle
igual a Montoro que ó noso colectivo, os xuíces lle estén a conceder, en
Galicia e en outras Autonomias, case toda a cantidade que supón unha paga
extra, e por iso non fixo nengunha excepción ó 25%, nin tampouco falou de
intereses a aplicar sobre a deuda contraída cos funcionari@s.
Pero como
todo é superable, incluso o comportamento máis noxento, fala Feijoo e dí que en Galicia él tamén vai a devolver o 25%, pero non
no 2015, senón o longo de dos anos 2015 e 2016, e ademáis diso seguiranos
quitando no 2015 as mesmas cantidades que xa nos quitou das extras no 2013 e
2014. Para chulo eu.
Si señor cun
par…., devólvenos 400 euros en dous anos e quítanos máis de 1000 solo no 2015.
Volvo imaxinar a Montoro escarallándose
de risa cando se enterou do de Feijoo.
Con esto Galicia vai ser a única Comunidade Autónoma que o ano que ven recorte os seus funcionari@s,
Andalucía e Cataluña xa anunciaron que paraban os recortes o seu persoal, e
menos mal que Galicia case non está endeudada.
Os
funcionarios galegos estamos a sufrir as consecuencias das aspiracións
políticas de Feijoo, pretende ser o primeiro en chegar ao déficit cero, por
aquello de gañar puntos para suceder a Rajoy, e para conseguir ese obxetivo
persoal non lle importa o máis mínimo pisar os nosos dereitos, aínda que
cheguemos a pasar fame.