STAJ presentou escrito a DXX coas elegacións ó borrador do Decreto de implantación da Nova Oficina Fiscal en Galicia, deixamos un resumen das consideracións que fixemos:
Retribucións: No texto do Decreto debe recollerse a garantía do mantemento das
actuais retribucións complementarias fixas e variables, aínda no caso de que os funcionari@s afectados pasasen a desempeñar un posto de traballo
xenérico con retribucións complementarias inferiores.
Gardas: Debe
garantirse a realización e conseguinte percepción das retribucións por servizo
de garda de todos os funcionarios que actualmente teñen dereito a percibilas.
Postos
singularizados. - Consideramos que deben concretarse cales serán como mínimo os
postos de xefatura que existirán, sen prexuízo da creación doutros conforme se
vaian redactando as RPTs, que corpos poderán optar a esas xefaturas, que complementos percibirán e requisitos mínimos para ocupar esta clase de postos.
Postos de
libre designación. - O STAJ oponse frontalmente á existencia de calquera
posto de libre designación. É un sistema inxusto que non premia nin a
capacidade, nin os méritos nin a antigüidade, considerando que os previstos
como tales no borrador deben ser ou ben postos xenéricos directamente, ou como
máximo postos singularizados, con maior retribución neste caso. Opoñémonos igualmente á posibilidade, de que persoal da Administración
da Xunta de Galicia ou da Administración do Estado, poidan prestar
servizos nas Fiscalías.
Plantillas. -
Incremento da plantilla e garantía de non diminución de prazas en ningún caso, debendose garantir polo menos unha dotación minima de un funcionari@ por cada fiscal.
Auxilio Xudicial.- STAJ bota de menos que no borrador do Decreto non se fale do
persoal do Corpo de Auxilio Xudicial, e esiximos que se considere a súa
permanencia nas oficinas fiscais, aumentando o número deste persoal na mesma
proporción que se aumente o resto da plantilla.
Procesos
de acoplamento.- Nos PROCESOS DE ACOPLAMENTO é necesario que se respecte o regulado
na LOPJ, debendo estar impregnados dun absoluto respecto pola
voluntariedade dos traballadores, baixo os criterios regulados de preferencia
para ocupar os distintos postos de traballo.
Funcións: Consideramos imprescindible unha maior
precisión e definición das funcións que se han de prestar polos diferentes
corpos nos diferentes areas, servizos e seccións.
Ver escrito de alegacións Ver borrador do Decreto