No DOG de hoxe publícase a resolución
do 13 de xuño de 2023, da Dirección Xeral de Formación Profesional, pola que se
convocan, con carácter gratuíto, cursos
de linguaxe administrativa galega e cursos preparatorios para os certificados
de lingua galega, Celga, que se realizarán en distintos períodos e en
varias escolas oficiais de idiomas de Galicia.
Os
cursos impartiranse entre setembro de 2023 e maio de 2024, en horario de mañá
ou de tarde.
Solicitudes
e prazos de inscrición:
As persoas que desexen participar
nos cursos convocados nesta resolución deberán cubrir o formulario de
inscrición telemática no enderezo www.eoidigital.com/preinslinguagalega. As solicitudes cubertas adecuadamente
entenderanse presentadas na secretaría da escola oficial de idiomas
correspondente unha vez que se complete correctamente o proceso de
matriculación.
Serán excluídas automaticamente
aquelas solicitudes que sexan presentadas fóra de prazo.
O
prazo para a presentación das solicitudes abranguerá dende o día 3 ata o 14 de
xullo de 2023, para os cursos do primeiro cuadrimestre (setembro-decembro); e
dende o 13 ata o 24 de novembro de 2023, para os cursos do segundo cuadrimestre
(febreiro-maio).
Os cursos terán un número mínimo de 15 participantes e un número máximo de 25.
Lembrámosvos que os cursos de linguaxe administrativa galega son equivalentes aos cursos de linguaxe xurídica galega.