STAJ logra en solitario someter a debate da Comisión Mixta do Tribunal Superior de Xustiza de Galicia a solicitude de creación das Oficinas de Rexistro e Repartición na Coruña, Lugo, Ourense, Vigo, Ferrol e Santiago (exceptuamos Pontevedra, dado que nela os funcionarios de Rexistro e Repartición xa son propios e o Servizo de Apoio funciona como tal) como servizos con entidade propia y servidos por funcionarios propios, así como que os nomeamento de funcionarios dos Servizos Comúns de Apoio sexan aprobadas exclusivamente cando se axuste ao disposto na Resolución que os regula que non son outros que a de colaborar cos órganos xudiciais en circunstancias excepcionais.
Dende o TSXG comunícannos que a Comisión Mixta, trala nosa solicitude, adoptou
Acordo de constitución dunha Subcomisión para o estudo e proposta detallada desta
cuestión, designándose ao efecto por parte do TSXG a dous dos seus Maxistrados,
e por parte da Administración a dous membros da Conselleria de Xustiza. Consideráse necesario coñecer o dato de persoal
destinado a estes servizos e o tempo medio do rexistro de asuntos para calibrar
axeitadamente os efectivos necesarios.
Co xa vos informamos por noticia do 15-10-2020 STAJ presentou escrito
dirixido á Dirección Xeral de Xustiza no sentido exposto e con posterioridade,
e mentres esperamos unha resposta formal da DXX, remitimos escrito de contido
similar ao Tribunal Superior de Xustiza de Galicia do que vos dimos conta en noticia de data 23-11-2020.
Como regra
xeral os funcionarios destinados nos Servizos de Apoio están infrautilizados
debido a unha práctica habitual consistente en destinar gran parte deles as
Oficinas de Rexistro e Repartición xa que estas oficinas carecen de
funcionarios propios (excepto en Pontevedra, como xa aclaramos) impedindo que se cumpra o fin fundamental da súa creación,
que no é outro que o de colaborar cos órganos xudiciais en circunstancias
excepcionais, tales como sobrecarga de traballo
por causas conxunturais, expedientes complexos, baixas por enfermidade,
licenzas de curta duración así como aqueloutros que en definitiva requiran unha
resposta eficaz e sobre todo coa rapidez e prontitude debida, ou cal servirá
para aliviar as carencias conxunturais que de forma continua prodúcense nos
órganos xudiciais.
Sobra decir
que a necesidade de funcionarios que realicen o traballo de rexistro e
repartición é unha necesidade permanente mentres que os funcionarios que a cumpren,
maioritariamente son dos SCA que por natureza son provisionais. De tal
maneira que logo da creación das Oficinas de Rexistro e Repartición como
servizos integrados nos Decanatos, pero con entidade propia (similar ao que
sucede cos Servizos Comúns de Notificacións e Embargos) servidos por
funcionarios propios, conseguiríase desta forma "liberar" os
funcionarios dos SCA para poder realizar as funcións de apoio que lles son
propias.
Dende STAJ aplaudimos
o devandito acordo xa que estamos convencidos da necesidade de creación de
prazas propias para as oficinas de Rexistro e Reparto deixando libres aos
funcionarios dos Servizos de Apoio como vía para conseguir o correcto
funcionamento deste.
Vos
seguiremos informando dos avances da nova Subcomisión creada ao efecto.
VER ESCRITO PRESENTADO ANTE A DXX
VER ESCRITO PRESENTADO ANTE O TSXG