STAJ
insta á Dirección Xeral de Xustiza que coa máxima prontitude acorde dar inicio
ao procedemento correspondente para a
constitución na Coruña, Lugo, Ourense, Vigo, Ferrol e Santiago dás Oficinas de
Rexistro e Repartición como servizos con entidade propia, que sexan servidos por funcionarios cuxo destino sexa
dita oficina; así como que se
aproben as peticións de nomeamento de destino de funcionarios dos Servizos
Comúns de Apoio exclusivamente cando se axuste ao disposto na Resolución que os regula que non son outros que a de
colaborar cos órganos xudiciais en
circunstancias excepcionais, tales como, sobrecarga de traballo por causas
conxunturais, pendencia de asuntos, expedientes complexos, a posta en marcha de
novos servizos, desenvolvemento de
programas concretos de actuación, baixas por enfermidade, licenzas de curta
duración así como aqueloutros que en definitiva requiran unha resposta
eficaz e sobre todo coa rapidez e prontitude debida, o cal servirá para aliviar
as carencias conxunturais que de forma continua
prodúcense nos órganos xudiciais.
Como regra xeral os funcionarios destinados nos
SCA están infrautilizados debido a unha práctica habitual consistente en
destinar gran parte dos seus efectivos as Oficinas de Rexistro e Repartición.
Debido a que estas oficinas carecen de funcionarios propios, as súas funcións
son realizadas polos funcionarios con destino no Decanato correspondente
(excepto Pontevedra), e dado que o número de persoal dos Decanatos é
insuficiente para ocuparse conxuntamente das propias funcions e as das Oficinas
de Rexistro e Repartición, estas últimas nútrense con funcionarios dos Servizos
Comúns de Apoio a proposta dos Decanos. Esta práctica supón, en definitiva, que
gran parte dos Servizos Comúns de Apoio acabe sempre nas Oficinas de Rexistro e
Repartición impedindo que se cumpra o fin fundamental da súa creación.
A utilización dos efectivos de tal xeito responde a unha necesidade estrutural e non conxuntural, é dicir, a necesidade de funcionarios que realicen o traballo de rexistro e repartición é unha necesidade permanente mentres que os funcionarios que a cumpren, maioritariamente son dos SCA que por natureza son provisionais.
A conclusión e a solución parece obvia, a creación das Oficinas de Rexistro e Repartición como
servizos integrados nos Decanatos pero con entidade propia (similar ao que
sucede cos Servizos Comúns de Notificacións e Embargos) servidos por
funcionarios cuxo destino sexa precisamente as Oficinas de Repartición e non o
Decanato ou o Servizo Común de Apoio. Desta forma os funcionarios dos SCA son
"liberados" para poder realizar as funcións de apoio que lles son
propias.