O STAJ propón ao Ministerio a intervención dos Tribunais Suplentes para axilizar as oposicións. O STAJ dirixiuse novamente ao Ministerio de Xustiza para instarlle a axilizar os procesos selectivos en curso.
Coñecido é o atraso producido nestes procesos selectivos, convocados en 2019 e que o mesmo non só é debido pola situación de pandemia provocada pola COVID 19.
O estado actual da pandemia, está a provocar que as distintas administracións adopten medidas cada vez máis restritivas da vida laboral e social das persoas, o que fai que aumente a dificultade para que os Tribunais dos procesos selectivos en marcha poidan avanzar cara á súa finalización e produce un importante atraso, excedéndose con fartura os prazos habituais para a resolución dos procesos.
Ante a situación descrita e co fin de tentar dar solución e impulsar para que poidan chegar ao seu fin, tanto o proceso selectivo de Xestión Procesual e Administrativa e o de Tramitación procesual e Administrativa, ambos os da quenda libre, valorando o volume de prazas e as datas que nos atopamos, desde o STAJ expomos ao Ministerio que nos territorios que sexa necesario e previos os trámites oportunos, autorice a actuación de Tribunais Suplentes en sesións distintas e poidan así actuar de maneira concorrente co titular.
Desta forma a corrección de exames, nos territorios que aínda non finalizou, e a valoración dos méritos por parte destes Tribunais veríase alixeirada e sen dúbida axudaría a reducir os prazos, algo imprescindible, a fin de poder publicar a lista de aprobados destes procesos selectivos, ofertarlles destinos e finalizar, nun tempo razoable a primeiros de 2021, e así poder convocar sen máis dilación o proceso selectivo de corpos especiais e os procesos selectivos correspondente á OEP de 2019, previa negociación coas organizacións sindicais.
Preme aquí para acceder ao escrito presentado
STAJ, sindicato independente e específico de Xustiza, sen subvencións e sen ataduras