CONCURSO DE
TRASLADO
O Ministerio de Xustiza comunícanos que
estaría en disposición de publicar a
convocatoria de concurso como avanzou a finais de xullo, pero finalmente
decidiron atrasar dita publicación no BOE ata o día 1 ó 2 de setembro polos problemas que podería
ocasionar o prazo de petición durante o mes de agosto (con gran número de
funcionarios de vacacións) e ter que amplialo ata mediados de setembro.
O Ministerio comunicounos que nos facilitará
tanto a Bases da convocatoria como as listaxes definitivas de prazas a finais
de xullo
GPA e TPA promoción interna
Dado que estes procesos duran xa máis dun ano
e estando xa practicamente ás portas de ter as listas definitivas dos
aspirantes que superaron o proceso selectivo, manifestámoslle ao Ministerio a
necesidade de que impulse estes procesos a fin de que poidan ofertárselles
destinos e poidan tomar posesión nun prazo razoable tras o verán.
Neste sentido e para GPA Promoción Interna manifestamos ao Ministerio a necesidade de
que se publique a relación definitiva de méritos durante este mes de xullo e
que se inste ao TCU a fin de que de
instrucións aos delegados a fin de que poidan ter resoltas as alegacións antes
de final de mes, a fin de poder publicar a listaxe definitiva, co cal, só
quedaría pendente para setembro a realización das probas optativas de lingua e dereito foral como paso
previo para a oferta de destinos aos opositores aprobados.
TPA promoción
interna
Este proceso esta algo máis adiantado debido
a que xa se efectuaron as probas
optativas de lingua e dereito foral polo cal o Ministerio xa podería
publicar os aspirantes que figuren na relación definitiva de aprobados, para
que no prazo de vinte días hábiles contados a partir da publicación desta no
«Boletín Oficial do Estado» e Diarios Oficiais das Comunidades Autónomas onde
se convocan prazas, achegasen a documentación requirida na base 8 da
convocatoria e a solicitude de destinos. Así lle solicitamos que o publique
durante este mes de xullo pero o Ministerio parece querer publicala en setembro
por motivos similares aos aducidos no concurso de traslado.
GPA quenda libre
Dado que é improbable que todos os tribunais
finalicen a corrección do terceiro exercicio en xullo haberá que esperar
seguramente ata mediados de setembro para ter a relación de aprobados do
terceiro exercicio e da fase de oposición abríndose o prazo para a presentación
de méritos.
TPA Quenda Libre
Este sábado 18 de xullo farase o terceiro
exercicio. Dado que probablemente será
necesario facer exame de incidencias, o cal previsiblemente non poderá facerse
ata setembro, dificilmente poderá terse a listaxe de aprobados da fase de
oposición e abrir o prazo de presentación de méritos ata finais de setembro ou
en outubro.
Auxilio Xudicial
O Ministerio de Xustiza segue barallando como
datas probables dos exercicios finais de outubro ou a primeira quincena do mes
de novembro, pero seguen sendo datas moi inseguras aínda, pois todo depende da
evolución da pandemia
STAJ, sindicato independente e específico de Xustiza, sen subvencións e sen ataduras