Onte mandamos este escrito a DXX para pedir, unha vez máis, un reforzo para os xulgado nº1 de Caldas de Reis:
ENRIQUE ARAUJO
MARTINEZ, en calidade de representante do Sindicato de Traballadores/as da
Administración de Xustiza.
Dende Xulgado de
Primeira Instancia e Instrucción nº1 de Caldas de Reis levase pedindo persoal
de reforzo dende fai cinco ou seis anos, peticións que foron apoiadas por este
sindicato sabedor da necesidade dunha persoa máis que axude a rematar co atraso
xerado por unha constante inestabilidade no plantel de funcionariosa/os, que
por diversos motivos estiveron de baixa ou cambiaron de destino por concurso ou
substitución,e que nin uns nin outros foron substituidos pola Administración coa
rapidez desexada, deixando moitas veces pasar meses antes de designar un
interino ou un substituto. Esto foi redundando nun maior atasco e retraso que
se fixo palpable en pouco tempo, e impediu un maior rendimento e eficacia no
desenrolo das funcións e no trámite dos procedementos que se ìan amoreando.
Tamén ten moito que
ver neste retraso no trámite a levanza por este órgano do Rexistro Civil, tendo
un funcionario/a menos de tramitación que outro xulgados similares como o de
Lalín ou Marín, o que obriga a prescindir dunha persoa que tramité os pleitos.
Agora que parece que
esa Dirección Xeral se diu conta do problema e que ten, por boca do propio
Director, vontade de arranxalo cun aumento do plantel nunha persoa máis do Corpo
de Tramitación, resulta que de momento ainda non se iniciou o trámite
pertinente que debe rematar co visto bo do Ministerio de Xustiza, trámite, que
si ben e sinxelo, pode tardar meses en contar co beneplácito do órganos aludido.
E por eso que cremos
que sen demora se debe designar un interino de reforzo do Corpo de Tramitación
que preste as súas funcións ata que definitivamente se incorpore a este órgano
a persoa que de xeito definitivo veña a ocupa a praza na que se incremente o
plantel deste xulgado, todo co gallo de atallar a crecente retraso na
tramitación dos asuntos e no despacho de certificacións e tramites do Rexistro
Civil.
Pontevedra a 27 de novembro de
2019.
DIRECCION
XERAL DE XUSTIZA.
Rúa
de Madrid 2-4, 2º andar.- S A N T I A G O
STAJ, sindicato independente e específico de Xustiza, sen subvencións e sen ataduras.