Enquisas: os votos anónimos deben darse por válidos.

Rematadas a enquisas que a Plataforma realizou entre os Funcionari@s de Xustiza en Galicia, co gallo de saber que persoal está a favor de realizar una folga na Administración de Xustiza, e o mesmo tempo saber cal das dúas opcións  de folga propostas, conta con máis apoios, estamos a espera de que se publiquen o datos globais que se recolleron na consulta.

Nós, que non participamos na enquisa, si temos datos parciais dalgunhas localidades pequeñas e grandes, que nos indican que houbo arredor dun 25%  de votos que se depositaron sen nome e sen apelidos. Eses  votos segundo as normas da propia enquisa, e tal como figuran nos resultados que nos temos, foron contabilizados como “votos nulos”.

Cónstanos tamén que a inmensa maioría de eses votos realizados de forma anónima, foron votos a favor dunha ou outra clase de folga, sendo de carácter testimonial os votos nulos contabilizados por mor de outras causas.

E polo que STAJ, reitera a súa petición os Sindicatos membros da Plataforma de Xustiza en Galicia, para que reconsideren a decisión de declarar nulos os votos realizados de forma anónima, que son na súa maioría votos a favor dunha ou doutra folga, e polo tanto no resultado global conten como votos válidos, que axuden a acadar ese amplo respaldo a unha folga moi necesaria.

Este Sindicato segue comprometido en convocar e apoiar a folga, sexa a modalidade que sexa, que saia votada maioritariamente nas enquisas, aínda que a nós nos parece máis adecuada a folga a xornada completa.