Faro de Vigo : el sindicato judicial STAJ tacha de "engaño" el plan de recuperación de la Xunta tras el paro
Despois de 5 meses de rematada a
folga o Plan de recuperación só é visible a través dos medios de prensa, que leva outro tanto tempo anunciando un plan que non chega aos
xulgados e que só se queda en burda propaganda institucional. Sí, parte do
plan de recuperación é propaganda e outra grande parte do mesmo consiste en que
o traballo o saquemos nós co paso do tempo e de xeito gratuíto, eso sí, mentres
tanto os cidadáns pensan que xa levamos co plan varios meses e que o traballo
que se retrasou pola folga estase a
recuperar a marchas forzadas, diso se trata, iso é o que queren vender, iso é o
que realmente lle importa a Rueda e a Xunta.
Era para xuño, despois para
xullo, máis tarde para primeiros de setembro, despois para mediados, logo para
o 1 de outubro, e aínda estamos á espera dese plan que a Xunta non remata de vender aos medios de comunicación. E outros, os sindicatos
asinantes, non fan outra cousa que repetir, en
notas informativas, as bondades dun plan que nin coñecen,
no que non participan e no que só son uns simples convidados de pedra.
Fixeron apuntar á xente (funcionarios/as) sen informar das condicións, obscurantismo total, nin cantas
horas, nin en qué horario, nin como se pagaba a hora, nin canto tempo ía a
durar, etc, todo á presa nun principio e pasado ese momento; lentitude,
improvisación e retardo malicioso para empezar coa recuperación real do
traballo.
Fálase que só van a empezar
98 xulgados, se iso é certo, (insisto, non temos información oficial), supón só un terzo
dos xulgados de Galicia, e o resto... non recupera?.
A recuperación non pode ser só de xuízos, debe ser sobre todo de trámite dos
expedientes que levan meses parados, e que hai que tramitar ata o xuízo
correspondente e seguir tramitando despois de sentenza para executar o fallo da
mesma, eso parece que non lle importa e só se preocupan de vender que
recuperan parte dos xuízos suspendidos, que só supoñen un pequena actuación dentro do expediente e unha pequena parte do esforzo e do tempo que o
xuíz/xuíza e o letrado/a e funcionario/a lle deben adicar a todo o pleito ou
expediente sexa da xurisdición que sexa.
Ata o día de hoxe non houbo máis
plan que 16 horas por cada funcionario/a apuntado nos servizos comúns e
Decanatos das grandes cidade nas fiscalías e no Imelga, 16 horas que moitos non
puideron facer porque estaban de vacacións, e non deixaron recuperalas fóra do mes; 16
horas por persoa, cando a media de horas perdida pola folga foron moitisimas máis. Ademais esas oficinas, que
non contan con xuíces e que non celebran xuízos, ao día de hoxe cesaron no plan,
cando en xuño lle comunicaron que en setembro era posible que o retomasen.
É un plan de escaparate, para que pareza, non
vai a ter apenas incidencia no retraso da tramitación de expedientes, nin na
recuperación dos xuízos suspendidos. En Canarias, na folga de Xustiza recuperouse o 100% do traballo en poucos meses, con plans que se iniciaron ás
poucas semanas do remate da folga e investindo todo o que aforraron na
folga. No territorio Ministerio no 2008 algo parecido, aquí intentan aforrar
máis de 2 millóns de euros dos cerca de 4 que recaudaron cos descontos nas nóminas
durante o conflito. Onde está o resto de cartos, en qué os gastaron?
En definitiva o Plan é que non
haxa apenas plan real e si un Plan mediático, o seu plan pasa porque os
funcionarios/as vaiamos recuperando o
traballo alí onde se poida, día a día gratis sen remuneración. O plan da Xunta
non é un plan de recuperación do traballo, é un plan de aforro.
Nesta actuación contan coa
colaboración inestimable dos Sindicatos asinantes do Acordo e que están na Comisión de Seguemento do plan
tan só para aplaudir, sen abri-la boca para nada e sen criticar nin presionar á Xunta no seu
empeño en volver a humillarnos e a desprezarnos.
Sí, son cómplices desta confusión
premeditada, cómplices por acción cando asinaron o que asinaron e da forma que
o fixeron, e cómplices por omisión cando lles permiten todo este despropósito.STAJ, sindicato independente e específico de Xustiza, sen subvencións e sen ataduras.