-Aprobación da acta da sesión anterior
-Programación actividades prevención 2025
-Avaliacións de riscos remitidas e actuacións realizadas
-Varios/Rogos e Preguntas
Tras dar todas as organizacións
sindicais o visto e prace da acta anterior, o director xeral enumerou a
programación de actividades de prevención 2025, as avaliacións de riscos
realizadas e remitidas dende ou último Comité de saúde e seguridade laboral, as
adaptacións de postos por motivos de saúde e adscricións por motivos de saúde,
as comisións de servizo por causas especiais (artigo 16) e os accidentes de
traballo e enfermidades profesionais.
Respecto ás peticións de STAJ:
-STAJ volveu reiterar a recolocación dos extintores da segunda planta do edificio xudicial do TSX na Coruña dada a súa localización excesivamente alta, e que incumpre a normativa establecida.
-GAS
RADON: Solicitamos que nos dea traslado dos resultados obtidos para poder
analizar os posibles riscos dado que hai meses que se retiraron os medidores
que se instalaron para iso. A Xunta dinos que non dispón das medicións que
levaron a cabo, para a continuación comunicarnos que se realizará unha
avaliación exhaustiva das plantas baixas e sotos de todos os edificios
xudiciais (incluídos os pobos), en todos aqueles habitáculos que estean
ocupados pola mesma persoa durante + de 50 horas anuais.
-Puxemos de manifesto un problema existente nas escaleiras de evacuación do edificio da Cidade da Xustiza de Vigo, onde se fuma por parte de alguén e transítase de forma non adecuada para a utilidade e o uso que realmente teñen estas zonas de seguridade e evacuación, comentándonos que realizarán as xestións oportunas para que cesen estes comportamentos.
-Tamén expuxemos o ruído constante ao
que está sometido diariamente o funcionario de auxilio xudicial do Xulgado do
Social nº 7 da Coruña, xa que ten instalada ao seu lado o armario da central de
xestión de redes, o que supón unha contaminación acústica repetitiva e
insoportable para poder realizar as tarefas cotiás de forma normal. Solicitamos
por iso, o cambio da central a outra localización dese xulgado onde non xere
molestias, ademais do correcto illamento acústico.
Noutra orde de temas, infórmannos que se visitarán os xulgados de Cangas previsiblemente os días 21 e 22 de maio polo DXX.
-Confirman o gran problema que existe hai anos nos arquivos de Padrón, Muros e Noia, seguindo en negociación con estes concellos para buscar unha solución.
-VIGO: O traslado do Rexistro Civil de Vigo está fixado para os días 26 e 27 de maio. En relación ao arquivo definitivo, buscarase un espazo próximo á cidade da xustiza.
-Instaláronse dispensadores de auga nas cidades de Santiago e A Coruña, pendente de estudar a súa posta nas outras cidades.
-Por último, solicitamos unha vez máis que as reunións do Comité de Seguridade e Saúde Laboral deben convocarse cada tres meses como marca a Lei, non podemos seguir reuníndonos soamente un par de veces ao ano porque a Xunta incumpra ano tras ano esta obrigación que ten, alegando motivos de axenda.