Desde o Ministerio de Xustiza, confírmannos que no día
de hoxe, máis tardar mañá (se xorde algún problema informático) elevarán á
páxina web do Ministerio unha listaxe coa relación de aspirantes ao concurso de
traslados, para que todos os participantes poidan verse na referida lista e
sirva como acuse de recibo ao proceso. Pola contra, haberá un prazo para alegar
e emendar calquera deficiencia.
Por outra banda, desde STAJ quixemos saber como será o
proceso. Desde o Ministerio confírmannos que barallan as mesmas datas que os
dous anos anteriores, aínda que están a tentar adiantalo todo o posible para
non irnos a febreiro. Pola nosa banda, xa presentamos diversos escritos á
Directora Xeral de Relacións coa Administración de Xustiza manifestando as
nosas esixencias respecto diso, isto é, un concurso de traslados estable e con
datas axustadas á legalidade, e en TODO CASO, axustadas á conciliación
familiar, cuestión esta última que debe primar ante todo.
STAJ, sindicato independente e específico de Xustiza, sen subvencións e sen ataduras.