Onte,
18 de xullo, acudimos a Mesa Técnica de comisións de servizo,
convocada por parte da DXX. Nesta mesa
propúxose por UGT (uníndose AXG-CUT e CSIF) a posibilidade de regular as
comisións de servizo na mesma orde cás substitucións, coma en Andalucía. A
Xunta preguntou a todas as organizacións sindicais por esta posibilidade. Por
parte de STAJ, CIG e CC.OO alegamos que era conveniente a súa regulación por
separado e con urxencia inmediatamente despois da regulación das comisión de
servizo porque as substitucións teñen a suficiente entidade como para regulalas
por separado: retribucións, formas de ceses, prioridades, requisitos de acceso,
etc… moi diferenciadas das comisión de servizo. STAJ considera que necesitan
regulación específica e aínda que Andalucía sexa a única Comunidade que as
regula no mesmo texto, tanto en Cantabria coma no País Vasco coma en Valencia teñen regulación separada.
No
que sí coincidimos todos é na urxencia imperiosa da regulación tanto das
comisións de servizo coma das substitucións en Galicia.
Facemos agora un resumo das alegacións feitas polo sindicato STAJ:
-No
borrador non se detallan as comisión de servizo para postos singularizados
(Xestor/as responsables en fiscalía, Xefaturas no IMELGA, e Xefaturas na Nova
Oficina Xudicial cando entre en funcionamento. Dende STAJ cremos necesaria unha
regulación específica dos postos singularizados., nas próximas
RPTs que entrasen en funcionamento proximamente.
-
Que os requisitos de acceso non sexan idioma e antigüedade, senon antigüedade e
idioma, coma no concurso de traslados.
-Que
aparte das prazas vacantes, sexan incluídas as liberacións sindicais.
-Que
a convocatoria sexa comunicada con carácter previo por correo electrónico ás Organizacións Sindicais.
-Pedimos
suprimir os 6 meses de servizos de traballo efectivo para poder optar á
comisión. Que non se limite o tempo de servizos prestados.
-No
borrador non se admite outra solicitude que vía telemática co certificado
electrónico e co programa CHAVE365. Se hai problemas co acceso ó portal e ó
sistema, STAJ solicita que sexa posible enviar as solicitudes por FAX, en caso
de avaría e imprimindo o erro ou a súa incidencia correspondente.
MOI IMPORTANTE:
-Sabemos
que o informe é preceptivo e non
vinculante, pero aínda así STAJ
pide:
-Se
o órgano de orixe se nega a informar,
que se entenda por evacuado AFIRMATIVAMENTE.
-Pedimos
que as prazas que se xeren por
comisión sexan cubertas mediante
substitución.
-Solicitamos
a supresión da penalización se a
renuncia á comisión se se produce antes da efectiva toma de posesión. E se a
renuncia se produce despois de tomar posesión cambiaríamos a penalización a non
poder pedir outra nova comisión en 6 meses, no gallo de un ano, como dí o
borrador, excepto en casos xustificados e debidamente acreditados, nos que
solicitamos a supresión da penalización.
-Respecto
da regulación por circunstancias
especiais nas que se pode pedir unha comisión de servizos (vítima de violencia de xénero, acoso laboral,
situacións graves de saúde) o STAJ
solicita maior contundencia nos requisitos esixidos: resolución xudicial que
obrigue ó abandono do posto de traballo na localidade na que resida a muller
vítima de violencia de xénero; informe do Servizo de Prevención no caso de
acoso laboral, etc… en definitiva; máis
desenvolvemento deste artigo en aras de poder garantir unha maior transparencia, pedindo ademáis:
-Que
se forme una Comisión Paritaria integrada
polas organizacións sindicais , xunto coa DXX, para valorar a proposta da documentación presentada nestes
casos e a gravidade da situación da persoa afectada.