- Dende STAJ presentamos escrito solicitando que se practiquen de forma inmediata probas PCR a todos os funcionarios do corpo de Auxilio Xudicial que tiveron contacto coa Fiscalía de Vigo, a todos os funcionarios destinados no Xulgado de Violencia sobre a Muller de Vigo e igulamente a todos os funcionarios destinados no Xulgado do Social afectado.
No día de onte comunicóusenos pola Dirección Xeral de Xustiza que, de conformidade
co previsto na Resolución do 23/03/2020 do Ministro de Xustiza sobre seguridade
laboral da Administración de Xustiza durante a Pandemia COVID-19 (apartado
segundo. Protocolo para casos positivos e/ou de illamento), procedeuse a
comunicación á autoridade sanitaria, así como a dar instrucións de limpeza e
desinfección, por caso positivo ou de illamento en varios xulgados da
provincia de Pontevedra. Igualmente comunícannos que, seguindo o disposto no
protocolo se procedeuse a facer as probas PCR na Fiscalía de Area de Vigo,
tanto a Fiscais como ao resto do persoal que presta os seus servizos neste
órgano.
Respecto da Fiscalía é
necesario ter en conta que nos Xulgados de Vigo prestan servizo outros
funcionarios, concretamente os funcionarios do corpo de Auxilio Xudicial, que por mor do desempeño da súa función desprázanse
en varias ocasión ao longo da mañá a Fiscalía, co fin de levar ou recoller
documentación ou expedientes xudiciais. Estos funcionarios estiveron polo tanto
en contacto directo nas dependencias da fiscalía e estiveron igualmente en
exposición e con posibilidade de contaxio, polo que a realización das probas
PCR débese ampliar tamén a este persoal
como medida de prevención e rastreo de posibles contaxios.
Igualmente respecto de
Fiscalía, tamén é necesario darse conta de que o Ministerio Fiscal traballa a diario
no Xulgado de Violencia sobre a Muller de Vigo, asistindo a declaracións, vistas orais e outras
actuacións, e pasando gran parte da xornada laboral nas dependencias deste
Xulgado. Temos coñecemento de que nos días previos ao resultado positivo da
proba PCR produciuse este contacto, polo que a exposición dos funcionarios
destinados no Xulgado de Violencia sobre a Muller de Vigo produciuse de forma
directa ao estar en contacto estreito con persoal con resultado positivo, polo
tanto é necesario que se practiquen as probas PCR a estos funcionarios na mesma
medida que se fixo ao persoal da Fiscalía.
Por outra banda, na
mesma comunicación da DXX informóusenos doutro caso nun xulgado do social de Vigo.
Pese a que xa se levaron a cabo as tarefas de limpeza e desinfección,
consideramos que non é suficiente, debendo realizarse as probas PCR a todo o
persoal alí destinado e que tuvo contacto cos positivos detectados.
Por todo o exposto dende STAJ presentamos escrito solicitando que se practiquen de forma
inmediata probas PCR a todos os funcionarios do corpo de Auxilio Xudicial que tiveron contacto coa
Fiscalía de Vigo, a todos os funcionarios
destinados no Xulgado de Violencia sobre a Muller de Vigo e igulamente a
todos os funcionarios destinados no Xulgado
do Social mencionado anteriormente.
ESCRITO
STAJ, sindicato independente e específico de Xustiza, sen subvencións e sen ataduras