- Pendente aínda da aprobación polo Pleno do Congreso, o novo texto do art. 521 unificará os centros de destino, de modo que só haberá un por municipio.
- STAJ rexeita taxantemente esta modificación da LOPJ, que atenta gravemente contra os dereitos dos funcionarios de Xustiza, no permitiremos este flagrante ataque ás nosas condicións laborais.
Nunha manobra na cal a maioría de
Grupos Políticos desatenderon as reclamacións de todos os funcionarios, e tras
meses de negociacións entre eles, nada transparentes, nas que aos sindicatos
ocultóusenos a realidade e mesmo mentido descaradamente, como así fixo o propio
Ministerio de Xustiza –que asegurou hai pouco que as emendas non serían
aceptadas-, finalmente na Comisión de Xustiza do día 24 de outubro aprobouse,
co voto favorable de todos excepto do Grupo Cidadáns, o groso das emendas
presentadas polo PP á Proposición de Lei para a modificación da Lei Orgánica do
Poder xudicial. Tristemente, o único positivo que tiña esta reforma, que era a
recuperación plena do permiso de asuntos particulares, viuse enturbado pola
aprobación dunha modificación lexislativa que pon en serio risco a mobilidade
voluntaria e a libre elección dos postos de traballo.
Lembremos que esta reforma pode
supoñer, ademais da existencia dun só centro de destino por municipio, outros
retrocesos nos nosos dereitos, como:
- Incertidume na percepción de retribucións
complementarias.
- Incertidume na asignación de funcións e tarefas.
- Incertidume na determinación dos postos de
traballo.
- Mobilidade funcional dentro do municipio.
- Competencia do Ministerio de Xustiza para a
imposición de sancións por faltas tales como a desobediencia a ordes superiores
(en lugar das CCAA con competencias asumidas)
- Cesamento dos interinos de reforzo unha vez
transcorridos 6 meses, en todo caso, pero sen acordar a creación definitiva
desa praza se realmente é necesario obxectivamente.
- Prohibición de nomear persoal adicional cando se
nomeen xuíces de reforzo.
Por desgraza, os nosos
representantes políticos, en lugar de investir en medios materiais adecuados e
non a pataca que temos por novas tecnoloxías, e en medios persoais, creando
máis Xulgados e dotándoos de persoal suficiente, manipulan e enganan á opinión
pública vendendo estas reformas como “optimización, modernización e
axilización” da Xustiza.
STAJ, sindicato independente e específico de Xustiza, sen subvencións e sen ataduras.