Onte día 5 de febreiro tanto o consello galego de procuradores como o
consello galego de avogacia galega emitiron comunicados de prensa para poñer de manifesto a súa preocupación ante o conflito xerado na xustiza galega e ante a inminente folga indefinida convocada a partir do día 7 de febreiro de 2018.
O
CONSELLO DA AVOGACÍA GALEGA MOSTRA A SUA PREOCUPACIÓN POLA FOLGA DE XUSTIZA E
CHAMA AS PARTES A RETOMAR O DIÁLOGO
Ante
a folga indefinida convocada polos funcionarios públicos ao servizo da
Administración de Xustiza a partir do próximo día sete de febreiro, o Consello
da Avogacía Galega quere realizar as seguintes declaracións:
§ A folga
anunciada levará inevitablemente un grave quebranto no funcionamento dun servizo
publico tan transcendente para a cidadanía como o é a Xustiza.
§ Por esa
razón realizamos un chamamento ás partes para que retomen o diálogo e para que
colaboren activamente na consecución dunha solución satisfactoria para todos.
Só así poderá garantirse o funcionamento da Administración de Xustiza en
condicións adecuadas e darse resposta á prestación dun servizo esencial que é á
vez un dos valores recoñecido no artigo 1 da Constitución Española.
§ A
Avogacía confía no bo sentido de todos e apela ao sentido da responsabilidade,
que debe imperar para superar o conflito.
O
CONSELLO GALEGO DOS PROCURADORES , integrado polos Colexios de Procuradores da
Coruña, Lugo, Ourense, Pontevedra, Santiago de Compostela e Vigo en relación
coa anunciada folga dos Funcionarios Públicos ao servizo da Administración de
Xustiza, a cal, segundo vénse informando, pode levarse a cabo con carácter
indefinido , insta ás partes implicadas no conflito a que , con toda urxencia ,
alcancen un acordo satisfactorio que permita evitar a folga anunciada e os
graves prexuízos que se poden ocasionar no funcionamento ordinario da
Administración de Xustiza e con iso á cidadanía”.