1. Tribunais de Instancia: o problema central segue sendo a falta de medios
• As organizacións sindicais denunciaron en xuño que a implantación está a xerar problemas organizativos, falta de persoal, deficiencias nas aplicacións informáticas e sobrecarga. Reclámase ampliar as RPT, manter os reforzos mentres sexan necesarios e crear mais áreas e equipos estruturais que garantan a especialización.
• Tamén se puxo o foco na necesidade de adaptar as ferramentas informáticas, cumprir os compromisos de teletraballo e negociar os cambios de espazos físicos con garantías de prevención de riscos laborais.
• Os datos do primeiro trimestre do CGPJ amosan unha baixada da entrada de asuntos do 24,1 %, pero tamén unha caída do 20,7 % nos asuntos resueltos, de media. A lectura sindical é que a menor entrada non elimina a pendencia nin a carga cualitativa dos procedementos porque o problema está e sempre estivo na forma de implementar o cambio nos distintos tribunais.
2. Máis xuíces e fiscais, si; máis persoal funcionario tamén
• En xullo publicouse a creación de 500 unidades xudiciais en todo o Estado. En Galicia crearon 19 prazas xudiciais e 7 de fiscais. STAJ advertiu que novas prazas xudiciais e fiscais serán pouco eficaces se non se acompasan con novas dotacións de Xestión, Tramitación e Auxilio nas RPT.
• A proposta de STAJ é, como referencia mínima, 5 funcionarios por cada nova praza xudicial (2 Xestión + 2 Tramitación + 1 Auxilio) e 3 por cada nova praza fiscal (1 + 1 + 1).
• Segundo a información trasladada por STAJ, a DXX manexa en Galicia unha proporción de 2 funcionarios por cada nova praza xudicial, dende STAJ consideramos ridícula a proposta.
3. Bolsas de persoal interino: xa hai listaxes resultantes
• As novas bolsas recibiron 8.443 solicitudes correspondentes a 3.801 persoas. A DXX anunciou que quería a súa posta en funcionamento ao longo de setembro.
• As listaxes resultantes de admitidos e excluídos publicáronse o 28 de agosto. Cando unha persoa figure en varias bolsas, debe escoller unha única entre o 31 de agosto e o 11 de setembro. A elección é telemática e debe presentarse a través da OPAX.
• Na comisión paritaria de xullo, STAJ cuestionou o criterio de cesar inmediatamente unha persoa interina cando ainda non se incorporou de facto ningún titular á praza, defendendo que non se produza o cesamento ata que o posto sexa cuberto por persoal titular.
4. Concurso de traslados e procesos selectivos: actualización importante
• A previsión de publicar o concurso de traslados de corpos xerais en xullo/agosto foi desmentida a finais de xullo: o Ministerio indicou que non podía fixar data, que aínda non estaban pechadas as prazas e que debía evitarse a coincidencia coas demais adxudicacións.
• No proceso extraordinario de concurso-oposición de 2022 (Xestión, Tramitación e Auxilio), as adxudicacións de destinos publicáronse en agosto e a toma de posesión comeza a partir do 1 de setembro, conforme ás resolucións publicadas.
5. OEP 2023 – acceso libre (Orden PJC/64/2024): aprobados aínda pendentes de destino
• Falamos da convocatoria de acceso libre correspondente á OEP 2023, publicada pola Orden PJC/64/2024, de 25 de xaneiro. A convocatoria incluíu 288 prazas de Xestión, 406 de Tramitación e 358 de Auxilio, distribuídas por ámbitos territoriais.
• A situación é especialmente relevante porque os procesos xa chegaron á fase de persoas aprobadas, pero queda pendente a oferta e posterior adxudicación dos destinos. No caso de Xestión, a relación de aprobados foi publicada en marzo de 2026; Tramitación e Auxilio xa tiñan publicadas as súas relacións de aprobados en setembro de 2025.
• Nas informacións trasladadas polo Ministerio na reunión de xullo, a previsión era facer a oferta de destinos do turno libre OEP 2023 unha vez rematasen as tomas de posesión da promoción interna, apuntando inicialmente a unha oferta en setembro e tomas de posesión en outubro. STAJ advertiu, ademais, que en Auxilio existía un problema de insuficiencia de prazas.
• O atraso é significativo: os exames celebráronse en 2024 e, a setembro de 2026, o persoal aprobado segue pendente de destino. Isto ten consecuencias prácticas: prolonga a incorporación como funcionario/a de carreira, atrasa a cobertura definitiva dos postos e condiciona outros procesos, como o concurso de traslados. Esperamos que se manteña a previsión de outubro para as tomas de posesión.