O sindicato STAJ denuncia publicamente a situación actual do Tribunal de Instancia de
Vigo.
A falta de :
-
De permisos e habilitacións
informáticas. En moitos postos de traballo o persoal non ten permiso para
acceder en Minerva ou o visor aos expedientes que teñen asignados. Moitos non
poden acceder ás carpetas compartidas, incluso algún destinado en prazas con
clave Gardas. Isto afecta incluso a funcionarios de corpos xerais que ostentan
xefaturas, o que non lles permite levar a cabo as súas tarefas, o cal paraliza
totalmente o traballo e xera unha acumulación de procedementos sen tramitar e
tarefas sen realizar que repercute directamente no servicio que se presta aos
cidadáns e profesionais e empeora as condicións de traballo dos funcionarios
cando por fin poidan comezar a traballar con normalidade. Dende a DXX debeuse
ter previsto con antelación que habería moitas tarefas que facer e moito
persoal que trasladar ou habilitar informaticamente. Debería terse coordinado
con Amtega unha forma máis rápida e eficiente de actualización informática dos
postos de traballo.
-
De medios materiais e lugares de traballo. Hai
persoal que non ten mesa, armario para os expedientes e ordenador para
traballar no seu novo posto de traballo. Algún está de forma provisional no
lugar de traballo de outro persoal que, polo motivo que sexa, non está
temporalmente.
-
De previsión coa
eliminación do xulgado de reforzo. A falta de organización e previsión ao
eliminarse o xulgado de reforzo provocou a suspensión de actuacións xa
sinaladas.
-
De información, claridade e descontrol no uso da
figura do “funcionario crítico”. O que podería ser unha medida para evitar en
parte problemas puntuais, estase a amosar inoperativo, en parte pola falta de
información clara sobre a quen se debería considerar funcionario crítico e que implicacións ten ser funcionario crítico.
- De nomeamento de persoal
para cubrir as vacantes. Aínda que en todo momento a DXX manifestou que a
implantación do novo modelo non suporía reducir postos de traballo na
administración de xustiza, na práctica estamos a ver que falta persoal.
Suprimíronse todos os reforzos, cesaron funcionarios interinos coa implantación
e estase a retrasar de forma innecesaria e excesiva a provisión temporal de
vacantes, xa sexa por comisión de servizos ou substitucións ou por interinos.
- A ubicación física dos
funcionarios e funcionarias. A DXX non marcou unha forma nin uns prazos nin
está a colaborar co deseño máis concreto do novo modelo, o que xera que en cada
cidade ou incluso entre diferentes servizos comúns dentro da mesma cidade se
estean a adoptar criterios distintos, haxa persoal que aínda estea a facer
funcións que non lle corresponderían segundo a nova estrutura, que nalgunhas
cidades se publicara a organización do persoal a nivel funcional e noutras non,
e moitos máis desaxustes que se terían evitado de traballarse con previsión e
falando cos actores implicados.
- Insuficiente persoal nas RPT de execución. En Vigo, nos antigos xulgados de primeira instancia, o número de funcionarios encargados da execución era de 3 por xulgado naqueles nos que o traballo se dividía por tramitación ou execución. Coas RPTs aprobadas pola DXX, pasamos a ter 1,25 funcionarios por xuiz para a execución civil. É dicir, para unha materia na que xa existía sobrecarga de traballo, agora se pretende que cada funcionario leve máis do dobre de traballo que antes. É evidente que é imposible sacar todo o traballo de execución civil en Vigo co número de funcionarios que a DXX asignou a esa tarefa. O peor de todo é que non se trata dun erro, porque en numerosas ocasións, dende STAJ solicitamos por escrito e tamén verbalmente na mesa sectorial, que se ampliara a dotación para a execución de civil, familia, infancia e capacidade, mercantil, social e contensioso-administrativa en Vigo. Nas próximas semanas comezaremos a ver as consecuencias desta decisión da DXX.