En Galicia restan numerosos edificios xudiciais
aínda sen sala exclusiva para videoconferencias ou exhortos, polo que nos
xulgados situados nestes edificios só é posible realizar actuacións procesuais
telemáticas nas salas de vistas, sexan actuacións do propio órgano xudicial ou
de outros órganos xudiciais ou organismos.
Na
práctica, isto supón a imposibilidade en moitas ocasións de levar a cabo as
videoconferencias por falta de dispoñibilidade nas salas por estar ocupadas, o
que, no caso dos exhortos, ten como consecuencia a devolución destes aos
órganos exhortastes, é dicir, obriga a levar a cabo aos funcionarios un
traballo inútil de emisión e devolución de exhortos que non se poden cumprir.
Outra
consecuencia habitual é o retraso dos actos que se teñen que realizar por
videoconferencia, porque moitas veces as actuación que se están a levar a cabo
na sala de vistas non van en hora e non existen sistemas de videoconferencia
alternativos, situación que se complica aínda máis se no órgano xudicial co que
se pretende contactar tampouco teñen sala exclusiva para videoconferencias.
Moitos
edificios xudiciais cabeceira de partidos xudiciais con un, dous, tres e catro
xulgados mixtos, non teñen sistemas de videoconferencia distintos dos
existentes nas salas de vistas, aínda que existen salas ou locais nos edificios
que se poderían habilitar como sala de videoconferencias cun desembolso económico
mínimo.
Coa
entrada en vigor do Real Decreto-lei 6/2023, de 19 de decembro, polo que se
aproban medidas urxentes para a execución do Plan de Recuperación,
Transformación y Resiliencia en materia de servicio público de xustiza, función
pública, réxime local y mecenazgo, as actuacións por medio de videoconferencia
gañan moito peso no sistema xudicial, coas modificacións, por exemplo, do
artigo 129 ou a introdución do artigo 137 bis na Lei de axuizamento civil e 258
bis da Lei de axuizamento criminal, que veñen incluso a dar prioridade ás
actuacións telemática con respecto ás presenciais.
Estas
modificacións normativas, encamiñadas a potenciar o uso das novas tecnoloxías
na administración de xustiza, quedan sen posibilidade de aplicarse si os
xulgados carecen dos medios técnicos para levalos a cabo.
Xustificante de presentación