Hoxe celebrouse a reunión
de Acción Social coa DXX, comunícannos que a convocatoria deste
ano 2023 publicarase proximamente no DOG, sen concretar aínda data
exacta.
Outro ano máis volvemos reiterar
que o importe da axuda de acción social é do todo insuficiente, non supoñendo
ningún incremento respecto a a do ano pasado. Insistimos en que se teñan en
conta a condición de familia numerosa ou monoparental para a súa concesión.
Seguimos esixindo que a acción
social amplíese a axudas por fillos e estudos como había fai anos.
Poden solicitar a axuda:
a) Aquelas persoas que prestaran
servizos como persoal funcionario interino da Administración de xustiza nesta
comunidade autónoma durante o período comprendido entre o final da acción
social do ano pasado (día 20/07/2022) e a finalización do prazo de presentación
de instancias desta convocatoria.
b) O persoal funcionario de
carreira da Administración de xustiza que durante o período comprendido entre o
final da acción social do ano pasado (20/07/2022) e a finalización do prazo de
presentación de instancias desta convocatoria prestaran servizos nesta
comunidade autónoma e se xubilaran durante o dito período.
O prazo de presentación de
solicitudes será de 15 días hábiles, contados a partir do día seguiente
ao da publicación desta convocatoria no Diario Oficial de Galicia.
As
persoas solicitantes que estean en servizo activo ou de
excedencia por coidado de fillos, deberán completar obrigatoriamente o
formulario electrónico da solicitude a través da OPAX, no enderezo
web opax.xunta.es.
Soamente os solicitantes
que non se atopen en servizo activo terán dúas opcións: ou ben
poderán asinar e presentar a súa solicitude electrónicamente, ou poderán
realizar a presentación imprimindo o formulario validado da solicitude, que
deberá ser asinado e rexistrado, xunto coa preceptiva documentación
complementaria, en calquera dos lugares previstos no artigo 16.4 da Lei
39/2015, do 1 de outubro, de procedemento administrativo común das
administracións públicas.
Excepcionalmente, tamén poderase
utilizar esta última vía cando resulte imposible a presentación telemática por
razón técnicas e se acredite documentalmente a dita imposibilidade. A estes
efectos, será necesario que abran unha incidencia ao Centro de Atención ao
Usuario (CAU) e acheguen xustificante da mesma.
Contía da axuda:
A contía da axuda calcúlase do
seguinte modo, tendo en conta o grao de discapacidade:
- Do 33 % ao 64 %: 300 €
- Do 65 % ao 74 %: 600 €
- Do 75 % en diante: 1.200 €
A Comisión de Acción Social
poderá modificar a anterior repartición cando por causa do número de instancias
presentadas o orzamento establecido para esta axuda non sexa suficiente para a
aplicación dos importes acabados de sinalar, de tal xeito que estes importes se
verán reducidos proporcionalmente ata que a contía global das solicitudes
aprobadas non supere o importe de 21.911,00 euros establecido para
esta axuda.
A convocatoria será publicada no
DOG proximamente, da cal nos darán traslado da data exacta e así vola
comunicaremos.