Devandita petición
fundamentábase no problema que se detectou á hora de obter a cita previa polo
cidadan mediante a páxina web www.xustiza.gal. Alertábamos sobre todo da
dificultade para un sector poboacional que xeraba multitude de chamadas
telefónicas ao Rexistro Civil correspondente co único fin de solicitar a cita
previa, xa que doutro xeito non o conseguían. Alertábamos que as chamadas
estaban resultando tan numerosas que imposibilitaba en ocasións aos
traballadores para poder atender de forma continua ao cidadán que se está
atendendo presencialmente, co deteriodo do servizo e a queixa comprensible do
administrado, ou noutras ocasións provocaba que algún funcionario tivera que
deixar, durante parte da mañá, de realizar outras funcións ao ser de forma
exclusiva encargado de coller o teléfono para atender as chamadas, isto supoñía
a perda dun funcionario no Rexistro Civil do que se tratese que en ocasión é o
único.
A situación sigue agravándose polo que no día de onte presentamos
novamente escrito reiterandolle a DXX todo o manifestado e exposto logo de que
pasados mais de dous meses non temos coñecemento de que se iniciasen ningún
tipo de actuación para implementar o sistema que solicitamos que non é outro
que unha centralita telefónica única para toda Galicia que se dedique a dar as
citas previas aos cidadans que queran acudir aos Rexistros Civis ou Oficinas de
Atención á Victima.