Despois da experiencia transmitida polos compañeiros de varios Rexistros Civís e dos problemas manifestados por eles, desde STAJ presentamos escrito solicitando da Dirección Xeral de Xustiza, que se inicien as xestións necesarias para instaurar un sistema de
obtención de cita previa mediante chamada telefónica a través dun número
centralizado común para todos os servizos xudiciais que actualmente teñen
instaurado o sistema de cita previa en Galicia, xestionado pola Administración
autonómica e que conviva e complemente ao xa existente de solicitude de cita a
través da web www.xustiza.gal.
Nos
Rexistros Civís nos que xa funciona o sistema de cita previa detectouse un
problema á hora de obtela polo cidadán. Existe un sector poboacional que se
está atopando con verdadeiras dificultades no uso da web e non conseguen
completar os pasos para que se deben realizar, polo que se poñen en contacto
directamente co Rexistro Civil correspondente. O problema que isto xera umha multitude de chamadas destas persoas aos rexistros civís co fin de solicitar
por este medio a cita previa, na maioría das ocasións non se trata soamente de
chamadas pedindo información senón de petición do cidadán de que se lles guie a
través da páxina web para conseguir pedir a cita. As chamadas están resultando
tan numerosas que imposibilita en ocasións aos traballadores para poder atender
de forma continua ao cidadán que se está atendendo presencialmente, co
deteriodo do servizo e a queixa comprensible do administrado, ou noutras
ocasións provoca que algún funcionario deixe durante parte da mañá de realizar
outras funcións ao ser de forma exclusiva encargado de coller o teléfono para
atender as chamadas, isto supón a perda dun funcionario no Rexistro Civil do
que se trate co que iso supón nunha plantilla en ocasións xa escasa.
En
situación similar pódense atopar as Oficinas de Atención á Victima e ao
Cidadán, onde, aínda que o sistema da cita previa comezou máis tarde, xa empeza
a dar signos do mesmo problema.
A fórmula para correxir este problema, non é outro que implementar un sistema de cita previa mediante chamada telefónica a través dun número centralizado e común para todos os servizos xudiciais que actualmente teñen instaurado o sistema de cita previa en Galicia. Este número de teléfono sería xestionado pola Administración autonómica e conviviría xunto co sistema xa existente de petición na web, así existe xa noutras administracións (Concellos, Admón. Tributaria, Delegacións Ministeriais, Policía, etc). Un sistema que cun mínimo investimento económico melloraría en gran medida o servizo prestado, sen arruinar o bo avance conseguido co sistema de cita previa.