Trala solicitude de emendas
presentadas, por STAJ, ao proxecto
de Lei de Orzamentos Xerais do Estado co fin de que se produxera a súa
inclusión na Lei, e sendo finalmente aprobado polo Congreso dos Deputados e o
Senado o texto definitivo e publicado xa no BOE, asume na Disposición Adicional 158 o recoñecemento dos períodos de servizos
prestados pero non cotizados no seu día, que afectan fundamentalmente a
persoal interino por servizos prestados antes de 1990, algo que desde STAJ levamos anos reclamando e que era
un dos puntos pendentes de cumprimento recolleitos no Acordo de decembro de
2015, asinado por STAJ e outros
sindicatos de ámbito nacional co Ministerio de Xustiza.
Lei 11/2020 do 30 de Decembro, de Orzamentos Xerais do Estado para o ano 2021.
A Disposición Adicional 158,
dispón:
"Disposición
Adicional centésima quincuaxésima oitava. Recoñecemento das cotizacións á
Seguridade Social ao persoal da Administración de Xustiza. O Goberno procederá
a revisar, de oficio ou a pedimento das persoas interesadas, e recoñecer como
cotizados os períodos que consten traballados e non cotizados do persoal de
xustiza que presente diferenzas entre os períodos efectivamente traballados que
figuren no certificado de servizos prestados e os que figuran na súa
certificación de cotizacións."