Antes de nada lembrar que se trata unicamente dunha Proposición de Lei presentada polo Grupo socialista no Congreso dos Deputados coa
única finalidade de modificar a Lei 20/2011 , do 21 de xullo .
O mais destacable é o
mantemento das oficinas de rexistro
civil nas cabeceiras dos partidos xudiciais , tal como ocorre a día de
hoxe, a posibilidade de mantelas nalgúns xulgados de paz e a prestación do devandito servizo en
exclusiva por persoal da administración de xustiza . En canto aos encargados poderán ser do subgrupo
A1 da Administración Xeral do Estado ou
do corpo de letrados da Administración de Xustiza.
Os preceptos
quedarían modificados da seguinte maneira:
Artigo 6. Código Persoal.
A cada rexistro individual aberto co primeiro asento que se
practique asignaráselle un código persoal constituído pola secuencia
alfanumérica xerada polo Rexistro Civil, que será única e invariable no tempo.»
Artigo 7.Firma electrónica.
Os Encargados do Rexistro Civil dispoñerán de certificados electrónicos cualificados.
Mediante os devanditos certificados electrónicos asinaranse os asentos do
Rexistro Civil con firma electrónica avanzada.
As persoas poderán identificarse
electronicamente ante o Rexistro Civil a través de calquera dos sistemas
previstos no artigo 9 da Lei 39/2015, do 1 de outubro, do Procedemento
Administrativo Común das Administracións Públicas, así como na normativa
vixente en materia de identificación e firma electrónica.
Artigo 22.Oficinas Xerais do Rexistro
Civil.
Existirá unha Oficina Xeral do Rexistro Civil en todas as
poboacións que sexan sede da ca pital dun partido xudicial. Por razón da
singular distribución da poboación, polas características do territorio en
atención ás dificultades de acceso derivadas do carácter insular, pola
administración pública competente en virtude da súa localización poderanse
crear Oficinas Xerais adicionais mediante transformación das existentes nos
Xulgados de Paz.
Disposición adicional primeira.
As Oficinas Xerais do Rexistro Civil situaranse nas mesmas
localidades e inmobles que correspondan ás sedes dos actuais Rexistros Civís
Municipais Principais,existentes á entrada en vigor desta lei nas cabeceiras de
Partido Xudicial.
Os postos de traballo das Oficinas do Rexistro Civil só poderán ser cubertos por persoal dos
corpos xerais de funcionarios ao servizo da Administración de Xustiza, e
ordenaranse de acordo co establecido nas correspondentes relacións de postos de
traballo.
Disposiciòn
adicional segunda.
As prazas de
Encargados do Rexistro Civil proveranse entre funcionarios de carreira do
Subgrupo A1 que teñan licenciatura de Dereito ou a titulación universitaria que
a substitúa ou entre letrados da Administración de Xustiza.
O exercicio desta función por quen pertenza ao Corpo de
Letrados da Administración de Xustiza considerarase como situación de servizo
activo no devandito Corpo e poderá ser compatible con funcións xurisdicionais
en oficina xudicial nos casos en que así se prevexa na correspondente Relación
de Postos de Traballo.
Disposición adicional sexta.
Todas as Oficinas do Rexistro Civil utilizarán os mesmos
sistemas e aplicacións informáticas.
O Ministerio de Xustiza proverá, tanto no seu
desenvolvemento como na súa explotación, o conxunto de aplicacións que soportan
a actividade dos procesos operativos que se tramitan no Rexistro Civil.
Disposición transitoria terceira.
A partir da data de entrada en vigor da presente Lei non se expedirán Libros de Familia.
Os Libros de Familia expedidos con anterioridade á entrada
en vigor da presente Lei seguirán tendo os efectos previstos nos artigos 8 e 75
da Lei do Rexistro Civil do 8 de xuño de 1957.
Disposición transitoria oitava.
Á data de entrada en vigor da presente lei quedarán suprimidos os Xulgados que, de
forma exclusiva, viñeron
exercendo funcións de Rexistro Civil e o Rexistro Civil Central e, no seu
lugar, créanse Oficinas Xerais de Rexistro Civil e a Oficina de Rexistro Civil
Central.
Nas demais poboacións cabeceira de Partido Xudicial, as
oficinas xudiciais que conforme á Lei de Planta e Demarcación Xudicial viñeron
realizando as funcións de Rexistro Civil continuarán realizándoas, igualmente,
en calidade de Oficinas Xerais de Rexistro Civil.
O persoal funcionario ao servizo da Administración de
Xustiza que, no momento da entrada en vigor da presente Lei, estea a prestar
servizos con destino definitivo no Rexistro Civil Central e os Rexistros Civís
Exclusivos alá onde os houber ou teña asignadas funcións de rexistro nas
oficinas xudiciais con adscrición de Rexistro Civil, continuará desenvolvendo
as súas funcións respectivas de Rexistro Civil, compatibilizándoas, no seu
caso, coas que exerzan dentro da Administración de Xustiza na oficina xudicial
á que estivese adscrito o Rexistro Civil, con abono da totalidade das
retribucións que viñesen percibindo, polo mesmo
pagador que as estivese facendo efectivas.
STAJ, sindicato independente e específico de Xustiza, sen subvencións e sen ataduras