Onte 30 de abril STAJ e o resto de sindicatos representativos (CCOO, CSIF, UXT, CIG e ELA), reunímonos co Ministerio por videoconferencia, na que se comezou a abordar a volta á actividade presencial na Administración de Xustiza. Foi a primeira reunión tras a aprobación da Real Decreto Lei 16/2020.
O Ministerio trouxo unha proposta aberta, pedíndonos que fagamos achegas durante a fin de semana. O debate e negociación sobre a proposta realizarase durante a semana próxima, ata chegar a unha regulación do “ desescalado” o máis satisfactoria posible. Tal como adiantabamos onte en nota informativa, a proposta ministerial consiste nunha volta á normalidade por fases, segundo as seguintes ideas xerais (que, insistimos, son só unha proposta e sobre as que podemos facer achegas), e que en todo caso estarán supeditadas á evolución da situación sanitaria, polo que as fases, a súa duración, as porcentaxes, etc., deben estar necesariamente abertos
PRIMEIRA FASE: en principio a partir do 11 ó 12 de maio. Incremento de presenza do 10 por cento actual a un 33 por cento do total dos órganos, aproximadamente. Iniciaríanse xa quendas de tarde, aproximadamente a metade dos funcionarios que estean presencialmente cada día.
Durante esta fase publicaríase no BOE a apertura dos prazos procesuais, fixándose en que data comezarían, o que terá lugar durante a segunda fase.
SEGUNDA FASE: data por determinar, dependerá das indicacións sanitarias e a evolución do estado de alarma. Incremento da dotación presencial ata un 66 por cento, aproximadamente. A quenda de tarde albergaría aproximadamente un terzo dos funcionarios da dotación presencial diaria.
TECEIRA FASE: a data tamén dependerá de indicacións sanitarias, e duración ata finalización do estado de alarma. Incremento presencia funcionarios a un 75 por cento ou 100 por cen dependendo das indicacións sanitarias. Quenda de tarde aproximadamente un 25 por cento do persoal.
ÚLTIMA FASE: tra-la finalización do estado de alarma, persoal completo presencial, e tendencia a eliminar quendas de tarde, se as indicacións sanitarias o permiten.
QUENDAS.- O Ministerio aposta por voluntariedade e máxima flexibilidade no establecemento das quendas, considerando que o ideal é a autoorganización en cada órgano, e só en defecto de acordo acudiríase a unha quenda rotatoria.
HORARIOS.- Non se especificou nada en relación cos horarios, aínda que a primeira idea foi que a quenda de mañá fose de 8 a 14, e a de tarde de 14 a 20. Onte os responsables ministeriais non fixeron mención a este horario, polo que están abertos ás nosas achegas.
MOVILIDADE.- A posibilidade de asignación temporal de funcións doutro órgano está circunscrita exclusivamente a situacións de desatención dalgún órgano por circunstancias excepcionais, sempre mediante resolución motivada, primando a voluntariedade, e dentro da mesma xurisdición e localidade.
Desde STAJ, que de entrada rexeitamos as medidas do RDL, manifestamos que a prioridade debe ser sempre a saúde, e por tanto debe garantirse polo Ministerio a dotación de EPIs e test de diagnóstico a o persoal, ademais de elementos de protección como biombos e similares. Así mesmo, esiximos que polo Ministerio se estableza que en caso de falta de dotación de EPIs, o funcionario debe abandonar o seu posto de traballo. Se non hai garantía de dotación suficiente de protección, non debe iniciarse a desescalada baixo ningún concepto. NESTE MOMENTO, en moitos lugares teñen serias dificultades de subministración de material preventivo.
O Ministerio debe tamén garantir a limpeza e desinfección entre as quendas, ali donde sexa necesario facelas, pois de non ser así, perde sentido o establecemento de quendas de tarde, cuxo obxecto, segundo o Ministerio, é exclusivamente preservar a saúde dos funcionarios.
Polo que respecta ao establecemento de quendas de tarde, desde STAJ manifestamos a súa inutilidade por canto, salvo excepcións, e sobre todo nas primeiras fases, atendendo ás porcentaxes de presenza e as dimensións físicas de moitas oficinas é posible o distanciamento entre postos de traballo sen necesidade de dividir as quendas, ou acometendo leves actuacións como colocación de elementos separadores, por exemplo. Ademais, se se logra unha porcentaxe aceptable de funcionarios en teletraballo, a presenza pode ser aínda menor e por tanto, completamente innecesario a quenda de tarde.
O mesmo sucede con aqueles órganos con pouco persoal dispoñible, onde igualmente a distancia entre postos de traballo é suficiente, e por tanto as tardes son innecesarias.
Polo que respecta aos horarios, desde STAJ manifestamos que a xornada de mañá non debe exceder de 6 horas, permitíndose a súa prestación nunha franxa que permita a flexibilidade (por exemplo, entre as 8 e as 14.30), e as tardes, sempre que sexa imprescindible esta quenda para garantir a saúde dos traballadores/as, de non máis de 5 horas (nunha franxa entre as 15.30 e as 21.00 por exemplo) permitindo así un tempo entre quendas que permita realizar labores de limpeza e desinfección, ademais de evitar aglomeracións á entrada dos edificios. Coa realización de calquera das quendas debe entenderse realizada a xornada diaria completa.
En canto ás posibles quendas, igualmente esiximos voluntariedade e flexibilidade para a autoorganización de cada órgano, a hora de facer ou non quendas e no seu caso de organizalas, sempre garantindo a saude, e por acordo entre os compañeiros (nunca imposición de xuíces, fiscais ou LAJs), e en canto non fose posible, o establecemento de quendas rotatorias.
En canto á mobilidade, STAJ mostrou o seu absoluto rexeitamento, por canto o que debe facer o Ministerio e as CCAA é aumentar os servizos de apoio e nomear persoal de reforzo para atender as continxencias que se poidan presentar.
STAJ presentará as súas achegas por escrito e detalladas ao longo da fin de semana, para a reunión do próximo luns día 4 de maio. Con todo, insistimos en que as medidas do RDL son insuficientes, non solucionan nada, hai que avogar por un traballo a porta pechada real (sen interrupcións, nin sequera por teléfono), e o establecemento a medio prazo de plans de actuación.
Seguiremos informando.
STAJ, sindicato independente e específico de Xustiza, sen subvencións e sen ataduras