DOTACIÓNS DE PERSOAL PRESENCIAL
(Estas medidas entran en vigor mañá día 15 de abril)
(Estas medidas entran en vigor mañá día 15 de abril)
Os xulgados e fiscalías en servizo de garda deberán contar con toda a dotación de persoal que preste o servizo de garda, a fin de atender debidamente o servizo.
Nos demais órganos xudiciais e fiscais, e
no Instituto de Medicina Legal de Galicia, atenderase á natureza e necesidades
de cada un deles. Para a determinación do número e corpo dos funcionarios
considerados dentro dos servizos esenciais teranse en conta as concretas
funcións ou materias legalmente atribuídas a cada órgano ou conxunto de órganos
e mais a súa relación directa e inmediata cos servizos esenciais identificados
nesta mesma resolución.
En atención a estes criterios, o persoal
que ha de atender de xeito presencial o servizo público de Xustiza na
Comunidade Autónoma de Galicia será, polo menos, o seguinte, o resto de persoal quedará en situación de dispoñibilidade por si fose necesario acudir ao seu posto de traballo, eso sí solo para realizar servizos esenciais:
1. Tribunal Superior de Xustiza de Galicia:
1.1. Un funcionario do corpo de xestión
P.A. ou de tramitación P.A. en cada unha das seccións orgánicas ou funcionais
das súas salas, e un funcionario do corpo de auxilio xudicial por cada unha das
salas.
1.2. Secretaría de Goberno: un funcionario
do corpo de xestión P.A. ou un funcionario do corpo de tramitación P.A.
1.3. Gabinete Técnico da Presidencia: un
funcionario do corpo de xestión P.A. ou un funcionario do corpo de tramitación
P.A.
1.4. Oficina de Rexistro e Repartición: un
funcionario do corpo de xestión P.A. ou de tramitación P.A., así como, se for o
caso, aqueles que a maiores o letrado da Administración de xustiza responsable
considere necesarios para atender o volume de escritos pendentes de rexistrar e
repartir.
2. Audiencias provinciais:
2.1. Seccións: un funcionario do corpo de
xestión P.A. ou de tramitación P.A., e mais un funcionario do corpo de auxilio
xudicial, por cada unha das respectivas seccións.
2.2. Oficina de Rexistro e Repartición: un
funcionario do corpo de xestión P.A. ou de tramitación P.A., así como, se for o
caso, aqueles que a maiores o letrado da Administración de xustiza responsable
considere necesarios para atender o volume de escritos pendentes de rexistrar e
repartir.
3. Xulgados unipersoais:
– Xulgados de instrución e de primeira
instancia e instrución de garda: os funcionarios que efectúan o servizo de
garda habitualmente.
– Xulgados de instrución e de primeira
instancia e instrución que non estean de garda, o os especializados en
violencia sobre a muller: un funcionario do corpo de xestión P.A. ou un
funcionario do corpo de tramitación P.A., e un funcionario do corpo de auxilio
xudicial por cada catro xulgados ou fracción.
– Xulgados de violencia sobre a muller: un
funcionario do corpo de xestión P.A., un funcionario do corpo de tramitación
P.A. e un funcionario do corpo de auxilio xudicial.
– Xulgados do penal: un funcionario do
corpo de xestión P.A. ou un funcionario do corpo de tramitación P.A., e un
funcionario do corpo de auxilio xudicial para cada catro xulgados ou fracción.
– Xulgados de primeira instancia, incluídos
os especializados en familia, e xulgados do mercantil: un funcionario do corpo
de xestión P.A. ou un funcionario do corpo de tramitación P.A. en cada xulgado,
e un funcionario do corpo de auxilio xudicial por cada catro xulgados ou
fracción.
– Xulgados do contencioso-administrativo:
un funcionario do corpo de xestión P.A. ou un funcionario do corpo de
tramitación P.A., e un funcionario do corpo de auxilio xudicial, para todos os
xulgados.
– Xulgados do social: un funcionario do
corpo de xestión P.A. ou un funcionario do corpo de tramitación P.A., e un
funcionario do corpo de auxilio xudicial por cada catro xulgados ou fracción.
– Xulgados de vixilancia penitenciaria: un
funcionario do corpo de xestión P.A. ou un funcionario do corpo de tramitación
P.A., e un funcionario do corpo de auxilio xudicial.
– Xulgados de menores: un
funcionario do corpo de xestión P.A. ou un funcionario do corpo de tramitación
P.A., e un funcionario do corpo de auxilio xudicial.
– Servizos comúns de notificacións e
embargos: un funcionario do corpo de xestión P.A. ou un funcionario do corpo de
tramitación P.A., e un funcionario do corpo de auxilio xudicial.
– Decanatos-Servizos de rexistro e
repartición: un funcionario do corpo de xestión P.A. ou un funcionario do corpo
de tramitación P.A. en cada sede. O letrado da Administración de xustiza
responsable poderá ampliar esta dotación para atender o volume de escritos
pendentes de rexistrar e repartir.
– Servizos comúns de atención ao cidadán e
á vítima: un funcionario do corpo de xestión P.A. ou un funcionario do corpo de
tramitación P.A. en cada oficina.
– Xulgados de paz: un funcionario.
4. Rexistros civís:
– Rexistros civís exclusivos: dous
funcionarios do corpo de xestión P.A. ou do corpo de tramitación, así como, se
for o caso, aqueles funcionarios, incluídos os do corpo de auxilio xudicial,
que a maiores o letrado da Administración de xustiza responsable determine para
atender os servizos esenciais declarados nesta materia, sempre tendo en conta
as funcións que poidan ser levadas a cabo en réxime de teletraballo polos
funcionarios que, dispoñendo de medios, accederan voluntariamente a facelo.
– Xulgados de primeira instancia e de
primeira instancia e instrución con funcións de Rexistro Civil: un funcionario
do corpo de xestión P.A. ou do corpo de tramitación P.A. e un funcionario do
corpo de auxilio xudicial. Ademais dos que deban estar presentes pola quenda
xeral nos xulgados de primeira instancia ou de primeira instancia e instrución,
ou dos de rexistro e repartición se fora un funcionario destes mesmos xulgados,
o letrado da Administración de xustiza responsable poderá ampliar esta dotación
cando o estime preciso para atender os servizos esenciais nesta materia, sempre
tendo en conta as funcións que poidan ser levadas a cabo en réxime de
teletraballo polos funcionarios que, dispoñendo de medios, accederan
voluntariamente a facelo.
5. Fiscalías:
Deberán contar con toda a dotación de
persoal que preste o servizo de garda para atender debidamente o servizo, e
ademais cun 10% aproximado do total dos funcionarios dos corpos de xestión
P.A., de tramitación P.A. e de auxilio xudicial de cada unidade, designados
polos fiscais xefe.
– Fiscalía Superior da Comunidade Autónoma:
un funcionario do corpo de xestión P.A., do corpo de tramitación P.A. ou do
corpo de auxilio xudicial.
– Fiscalías provinciais: a maiores dos
funcionarios do servizo de garda, un funcionario do corpo de xestión P.A., do
corpo de tramitación P.A. ou do corpo de auxilio xudicial nas de Lugo e
Ourense, e dous funcionarios nas da Coruña e Pontevedra.
– Fiscalías de área: a maiores dos
funcionarios do servizo de garda, un funcionario do corpo de xestión P.A., do
corpo de tramitación P.A. ou do corpo de auxilio xudicial na de Santiago, e
dous funcionarios na de Vigo.
– Seccións territoriais: un funcionario do
corpo de xestión P.A. ou do corpo de tramitación P.A. en cada sección
territorial, para o servizo de garda.
6. Instituto de Medicina Legal:
– Os médicos forenses de garda.
– Un funcionario para cada subdirección
territorial, designado pola directora do Imelga.
7. Persoal laboral ao servizo da
Administración de xustiza:
– O 100% do persoal dos efectivos adscritos
ás gardas de equipos técnicos de menores.
– Nas subdireccións do Imelga: 1 auxiliar
de autopsia, 1 psicólogo e 1 traballador social, así como a totalidade dos
auxiliares de autopsia que deban asistir ao médico forense de garda cando este
o requira.
– O 100% do persoal de
mantemento e de limpeza para desenvolver os labores de limpeza, hixiene e
desinfección das sedes xudiciais e fiscais.
RESOLUCIÓN COMPLETA
STAJ, sindicato independente e específico de Xustiza, sen subvencións e sen ataduras