A
Dirección Xeral de Xustiza acaba de remitir aos correos corporativos de cada
funcionario a Resolución do 15 de marzo de 2020 pola que se determinan os
servizos mínimos esenciais na Administración de Xustiza na Comunidade Autónoma
de Galicia como consecuencia da evolución epidemiolóxica do coronavirus COVID-19.
Respecto do borrador remitido pola mañá atopamos as seguintes modificacións:
- Desaparecen as Oficinas de Rexistro e Repartición do Tribunal Superior de Xustiza, das Audiencias Provinciais, e dos Xulgados que xa non teñen servizo esenciais.
- Nas seccións penais da A. P, reducen a un xestor ou un Tramitador e un Auxilio por cada sección
- Nos Xulgados do Social, desaparecen os funcionarios do corpo de auxilio que xa non teñen servizos esenciais.
- Nos IMELGA só teñen que ir os forenses de garda, desaparecen como servizos esenciais o tramitador ou auxilio.
- Nos Rexistros civis exclusivos pasan de dous a un funcionario de Xestión ou Tramitación, mais un Auxilio
STAJ, sindicato independente e específico de Xustiza, sen subvencións e sen ataduras.