A Dirección Xeral de Xustiza acaba de comunicar a súa Resolución sobre servizos mínimos.
Mantense a prestación dos servizos esenciais na Administración de xustiza fixados na Resolución do Secretario de Estado de Xustiza con data do 14 de marzo de 2020, de acordo coas resolucións do Consello Xeral do Poder Xudicial e a Fiscalía Xeral do Estado, recolleitos no caso de Galicia nas resolucións da Dirección Xeral de Xustiza do 15 e 24 de marzo de 2020.
Deben prestarse en réxime presencial, nos termos e número de persoas fixados na resolución de servizos mínimos esenciais do pasado 24 de marzo, os seguintes servizos:
a) Os servizos de xulgado de garda en todos os partidos xudiciais, así como as gardas de fiscalías de menores alí onde existan. Estes servizos realizaranse, sempre que sexa posible, mediante videoconferencia ou calquera outro dispositivo ou aplicación informática que permita a comunicación bidireccional segura de datos ou, de ser necesario, de imaxe e/ou son, para os efectos de evitar traslados de detidos, profesionais ou outras persoas ás sedes xudiciais para a práctica das dilixencias que haxa que realizar.
b) As ordes de protección e calquera medida cautelar en materia de violencia sobre a muller. Estes servizos prestaranse na mesma forma exposta para os xulgados de garda.
c) As actuacións de Rexistro Civil declaradas esenciais na Resolución do 18 de marzo de 2020, nos termos aprobados polo protocolo do 27 de marzo, con especial atención á expedición de licenzas de enterramento.
d) As actuacións urxentes en causas con preso. Para estes casos fomentarase especialmente a utilización da videoconferencia ou de calquera outro dispositivo ou aplicación informática que permita a comunicación bidireccional segura de son e imaxe, para os efectos de evitar, en canto sexa posible, traslados de presos ás sedes xudiciais para a práctica das dilixencias que haxa que realizar con eles.
O persoal que estando a cargo dos servizos declarados esenciais, ou correspondéndolles estes por substitución ordinaria, non deba, conforme a presente resolución, acudir ás sedes xudiciais terá que estar durante a súa xornada laboral localizable e dispoñible para acudir ao xulgado o máis axiña posible.
En todo caso, garantirase que en cada sede xudicial ou fiscal na que non exista un servizo de garda haxa polo menos un funcionario dos corpos xerais da Administración de xustiza en réxime de presenza física durante as horas de audiencia pública. Este funcionario coordinará as actuacións de rexistro, de repartición e de decanato, para os efectos de asegurar a correcta prestación dos servizos.
Deste xeito, deberá de asistir en réxime de presenza física ás sede dos tribunais colexiados, ou das fiscalías onde non exista un servizo de garda, un funcionario dos que habitualmente se encargan das tarefas de rexistro e repartición.
RESOLUCIÓN COMPLETA
STAJ, sindicato independente e específico de Xustiza, sen subvencións e sen ataduras