Hoxe
publícase no DOG a ORDE do 24 de
febreiro de 2020 pola que se regula o exercicio dos dereitos electorais do
persoal ao servizo da Comunidade Autónoma de Galicia nas eleccións convocadas
para o día 5 de abril de 2020 polo Decreto 12/2020, do 10 de febreiro, de
disolución do Parlamento de Galicia e de convocatoria de eleccións.
1. O
persoal ao servizo da Administración pública de Galicia que teña previsto que
na data da votación non se atopará na localidade onde lle corresponde exercer o
seu dereito ao voto, ou que non poida exercer o dereito de sufraxio o día das
eleccións, disporá, no seu horario laboral, de ata catro horas libres para que
poida formular persoalmente a solicitude de certificación acreditativa da súa
inscrición no censo, que se recolle no artigo 72 da Lei orgánica 5/1985,
do 19 de xuño, do réxime electoral xeral, así como para a remisión do voto por
correo.
2. O
persoal nomeado presidenta/e ou vogal de mesas electorais e as/os que acrediten
a súa condición de interventoras/es teñen dereito, durante o día da votación, a
un permiso retribuído de xornada completa se non desfrutan en tal data de
descanso semanal e a unha redución da súa xornada de traballo de cinco horas o
día inmediatamente posterior.
3.
As/os que acrediten a súa condición de apoderadas/os teñen dereito a un permiso
retribuído durante o día da votación se non desfrutan nese día de descanso
semanal.
4. O persoal
ao servizo da Administración pública de Galicia que se presente como
candidata/o ás eleccións que terán lugar o vindeiro 5 de abril poderá ser
dispensado, logo da súa solicitude, da prestación do servizo nas súas
respectivas unidades durante a campaña electoral; é dicir, desde as cero horas
do venres 20 de marzo de 2020 ata as vinte e catro horas do venres 3 de abril
de 2020. A competencia para a concesión do referido permiso corresponderalle á
secretaría xeral técnica de cada consellería.
STAJ, sindicato independente e específico de Xustiza, sen subvencións e sen ataduras.