O Tribunal Supremo ha declarado exentas do pago de
IRPF ás prestacións por maternidade percibidas da Seguridade Social,
ratificando unha sentenza anterior do Tribunal Superior de Xustiza de Madrid (
TSJM) de 2017 e en contra do criterio que ata agora mantivo a Axencia
Tributaria. O Supremo estableceu como doutrina legal que "as prestacións
públicas por maternidade percibidas da Seguridade Social están exentas do
Imposto sobre a Renda das Persoas Físicas".
Quen a pode reclamar?
A sentenza ten carácter retroactivo pero cun límite
temporal. Desta forma, todas as persoas que gozasen de baixas de maternidade
desde 2014 poden solicitar a devolución do que pagaron por IRPF nas súas
prestacións, as anteriores quedan prescritas. Isto significa que se poden
reclamar as declaracións da Renda de 2014, 2015, 2016 e 2017.
A partir de agora, a Axencia Tributaria "tomará
en consideración" o criterio establecido polo Supremo polo que declara
exentas do pago de IRPF as prestacións de maternidade, na resolución de
reclamacións.
Ademais, a Seguridade Social xa anunciou que deixará
de reter o IRPF nas prestacións de maternidade que comecen a tramitarse desde o
momento no que lles sexa notificada a sentenza do Tribunal Supremo.
Como
se reclama?
O
procedemento para solicitar esta devolución pasa por presentar un escrito de
solicitude de rectificación de autoliquidación e devolución de ingresos
indebidos do exercicio en que se percibiu a prestación.
STAJ, sindicato independente e específico de Xustiza, sen subvencións e sen ataduras.