No DOG de hoxe publícase a RESOLUCIÓN do 31 de marzo de 2017 pola que se convocan
cursos de linguaxe xurídica galega para persoal ao servizo da Administración de
xustiza e outros colectivos relacionados coa xustiza, que presten servizos
dentro da Comunidade Autónoma de Galicia.
Un
curso de linguaxe xurídica galega nivel medio na modalidade de teleformación: 1
edición. O número de prazas do curso será de 25.– Un curso de linguaxe xurídica galega nivel superior na
modalidade de teleformación: 2 edicións. O número de prazas do curso será de 50
(25 por edición).
O curso vai dirixido a xuíces, maxistrados, fiscais, secretarios
xudiciais, médicos forenses, funcionarios dos corpos xerais ao servizo da
Administración de xustiza e persoal laboral con destino nos órganos xudiciais da Comunidade Autónoma de Galicia;
a letrados da Xunta de Galicia; a notarios, rexistradores da propiedade,
avogados, procuradores e alumnos das escolas de práctica xurídica de Galicia; a
profesores de linguaxe de signos e persoas incluídas nas bolsas de traballo
para o nomeamento de funcionarios interinos da Administración de xustiza; así
como a aquelas persoas que acrediten ter superado o proceso selectivo para o
ingreso nos corpos xerais ao servizo da Administración de xustiza.
O prazo de
presentación de solicitudes será de dez días naturais contados a partir do
seguinte ao da publicación desta resolución no Diario Oficial de Galicia.
DOG
DOG