O pasado xoves mandamos escrito á DXX:
Dende fai anos, pola falta de persoal que faga funcións de control
de accesos, de vixiancia e de seguridade, pola tarde, no edificio da Audiencia
Provincial de Pontevedra, estase a vivir unha situación polo menos curiosa e
inaudita, que menoscaba a seguridade e determinados dereitos do persoal que
presta nesa sede as súas funcións.
Como consecuencia de que a partires das 15 horas os efectivos da
Garda Civil rematan a súa xornada laboral, a porta do edificio pechase a cal e
canto, e todos/as funcionarios/as, Letrados/as e Maxistrados/as que queiran
desenrolar parte da súa xornada laboral pola tarde, que están no seu dereito, e
pasan a depender dunha traballadora para que trala chamada pertinente, lles
permita a entrada ou non, tendo que baixar a abirlles desde o seu postos de
traballo, sen saber con antelación que chama. Traballadora que se ve obrigada a
facer tales funcións a pesares de que non e o seu cometido, identificar e
permitir o paso de persoal que aínda que traballan alí, ela nin coñece. Tampouco
é o seu cometido facer labouras de seguridade, seguridade que se debe manter
tamén durante o horario de tarde por persoal especializado e non por persoal,
que ainda que pon toda a súa boa
vontade, non ten nin medios nin formación neste eido.
Isto do que é coñecedor ese Director Xeral de Xustiza e o Subdirector de
Medios de esa Dirección Xeral, xa produxo en varias ocasións que
funcionarios/as, letrados/as e maxistrados/as quedasen sen poder acceder ao seu
posto de traballo a partires das 3 da tarde. O último episodio deste tipo
sucedeu na Nadal pasado cando precisamente a abnegada traballadora, persoal
laboral da Xunta estivo de permiso e vacacións, e supoxo que durante esos días
a Audiencia estivese pechada pola tarde e sen deixar acceder aos persoal que
ten dereito a ir a traballar.
Estamos a días de que esa persoa encargada de abrila porta polas tardes, colla a súas correspondentes vacacións e a Xunta de Galicia segue sen solucionalo problema, mirando para outro lado e deixando, unha vez máis, desprotexidos/as na súa seguridade e no seus dereitos aos funcionarios/as, que non van ter opción de conciliar a súa vida laboral e familiar e que se verán obrigados/as a facer a xornada laboral de mañan.
Se non se remedia de inmediato este problema, solución que debe ser definitiva para non voltar en breve a pasar polo mesmo, e esa solución definitiva solo pasa por contratar persoal de seguridade privada para que preste servizos polas tardes, este Sindicato actuará de inmediato con tódolos instrumentos a seu alcance, e propondrá medidas de presión ao persoal afectado, para poñer fin a esta situación e defender oas traballadores/as dunha actuación irresponsable e dañina da Xunta de Galicia para cos seus empregados/as.
STAJ, sindicato independente e específico de Xustiza, sen subvencións e sen ataduras.