No ano 2020 a Xunta de Galicia abriu prazo para solicitar o grao I da traxectoria profesional excluíndo deliberada e inxustamente ao persoal interino desa posibilidade, xa que non lle permitiu nin poder realizar a solicitude.
STAJ en defensa do dereito de igualdade de todos os traballadores/as presentou demanda ante o Tribunal Superior de Xustiza de Galicia, que en sentenza ditada en decembro de 2021 recoñeceu o dereito a todo o persoal interino da Administración de Xustiza de Galicia, que cumprise os requisitos, a solicitar a traxectoria profesional e a que se lle recoñecese tanto administrativa como economicamente e nas mesmas condicións que ao persoal titular.
A Xunta nun
intento de gañar tempo anunciou que presentaría un recurso de casación ante o Tribunal
Supremo, cousa que fixo ao pouco tempo.
Onte o
Tribunal Superior de Xustiza de Galicia notificounos o Decreto de firmeza da
sentenza gañada por STAJ, xa que o Tribunal Supremo dictou Providencia inadmitindo o Recurso de Casación presentado
no seu momento pola Xunta de Galicia.
Esta
sentenza, xa firme, ampara e é aplicable a todos os funcionarios de interinos
de Xustiza en Galicia que cumprisen os requisitos e as condicións para acceder
ao grao I da traxectoria profesional a data de 31 de decembro de 2019.
A sentenza
obriga á Xunta a abrir un prazo para a solicitude, e posterior recoñecemento do
grao uno da traxectoria profesional, con efectos administrativos e económicos ao
1 de xaneiro do 2020, para quen era interino e cumpría os requisitos e tiña os méritos correspondentes naquel momento. Podense acoller a esa posibilidade aínda que no día hoxe non se estea nas bolsas, ben por xubilación, ben por ser persoal titular, ben por traballar noutra cousa, ou por calquer outro motivo.
A Administración
ten agora tres meses para cumprir a sentenza nos seus termos e se non o fai
presentaremos demanda de execución forzosa.