Hoxe publícase a ORDE do 11 de xullo de 2024 pola que se ditan as instrucións sobre a confección de nóminas do persoal ao servizo da Administración autonómica para o ano 2024 e se actualizan as contías das retribucións en aplicación do Real decreto lei 4/2024, do 26 de xuño.
Retribucións do persoal funcionario ao servizo da Administración de xustiza en Galicia:
Conforme o disposto no artigo 24 da Lei 9/2023, do 28 de decembro, de orzamentos xerais da Comunidade Autónoma de Galicia para o ano 2024, o persoal funcionario dos corpos ao servizo da Administración de xustiza que desempeñe as súas funcións no ámbito das competencias da Comunidade Autónoma de Galicia percibirá as retribucións que se determinen na Lei de orzamentos xerais do Estado para o ano 2024, así como na demais normativa que lle sexa aplicable.
Os importes das retribucións do persoal funcionario ao servizo da Administración de xustiza, en todos e cada un dos conceptos retributivos, soldo, trienios, complemento xeral do posto, CAT o complemento específico, asi como os complementos por destino (SCACE, IMELGA, VIOLENCIA DE XÉNERO E TRAXECTORIA incrementaranse un 2 por cento, con efectos do 1 de xaneiro de 2024, respecto das vixentes en 31 de decembro do 2023.
STAJ, sindicato independente e específico de Xustiza, sen subvencións e sen ataduras