No DOG de hoxe vense a publicar
a RESOLUCIÓN do 16 de Maio do 2024 da Dirección Xeral de Xustiza, pola que se dá
publicidade á convocatoria e aos criterios de repartición do Fondo de Acción
Social do ano 2024 para o persoal ao servizo da Administración de xustiza
con destino na Comunidade Autónoma de Galicia.
Prazo de presentación de
solicitudes:
Quince (15) días hábiles contados a partir do día seguinte ao da
publicación desta convocatoria no Diario Oficial de Galicia. Data final 26
de Xuño de 2024.
Solicitude e formas de presentación: solicitantes deberán completar obrigatoriamente o formulario electrónico da solicitude a través da OPAX, co seu certificado dixital ou co usuario e contrasinal.
Beneficiarios:
a) Os/as
solicitantes con discapacidade física, psíquica ou sensorial igual ou superior
ao 33 % que reúnan os requisitos establecidos nos puntos anteriores.
b) Os/as
solicitantes que, reunindo os requisitos establecidos nos puntos anteriores,
teñan baixo a súa dependencia directa e legal, e vivindo ás súas expensas,
cónxuxe, parella de feito, fillos/as, ascendentes de primeiro grao por
consanguinidade ou afinidade ou persoas tuteladas por sentenza xudicial firme
con discapacidade física, psíquica ou sensorial igual ou superior ao 33 %.
No caso de
que a persoa beneficiaria teña baixo a súa dependencia directa e legal, e
vivindo ás súas expensas, máis dunha persoa que cumpra os requisitos
anteriores, percibirá a axuda para cada unha.
STAJ, sindicato independente e específico de Xustiza, sen subvencións e sen ataduras