1.- Pedimos que se teña aberta de
continuo a posibilidade de solicitar o acceso á traxectoria profesional,
non solo no prazo marcado en cada resolución que regula cada grao da mesma. Deste
xeito moit@s compañeir@s que non cumpren os requisitos durante ese prazo tan
curto, poderían acceder ao seu cobro inmediatamente despois de cumprir os
requisitos de antigüidade ou de cursos exixibles, sen necesidade de esperar sen
o recoñecemento e sen cobrar dous, tres e catro anos segundo o grao ao que puidese
optar.
2.- Solicitamos que se modifique o texto do borrador para que aos
funcionarios interinos se lle aplique a mesma normativa que o persoal funcionario
titular da Admón de Xustiza, que é onde traballan, e non se lles aplique a
normativa que regulará, aínda non se aprobou, a carreira profesional para o
persoal interino da Admón Xeral da Xunta de Galicia. Ademáis de ser o
xusto, deste xeito evitamos que sufran discriminación o persoal interino de Xustiza
si a normativa da Xunta regula peores condicións para eles, ou que sufran discriminación o persoal titular de Xustiza, si o Acordo da
Xunta ten mellores condicións que o de Xustiza.
3.- Na Base Primeira do borrador,
falase de que será aplicable ao persoal funcionario dos diversos corpos ao
servizo da Admon de Xustiza, quitouse o de “persoal funcionario de carreira”
que decían as anteriores Resolucións da traxectoria, dando a entender que esa
palabra inclúe a funcionarios interinos
e funcionarios titulares. Pero para que non haxa dúbidas cremos convinte
que poña ”persoal funcionario de carreira e persoal funcionario interino”.
4.- Na Base Segunda do borrador di “que
para a progresión en grao será requisito a permanencia continuada e ininterrompida
do tempo mínimo que se exixe no grao inferior para acceder ao grao superior”. Cremos
necesario que as palabras continuada e
inintirrompida se eliminen pois son un obstáculo, tanto para titulares que
se marchen fora en concursos de traslados e despois volten, como para os
disfruten de determinadas licenzas e
excedencias que non te manteñen en servizo activo, e tamén para os interinos
que non van pode cumprir con esa permanencia continuada e ininterrrumpida pola
natureza dos servizos que prestan que
son de carácter discontinuo.
5.- Pedimos que no acceso por medio
do sistema ordinario, que xa teñen que sufrir a permanencia nun grao inicial de
5 anos que non da dereito a retribución, se limite a permanencia en cada un dos
4 graos que dan dereito ao cobro, ao mesmos anos que os que se regulan aos que
acceden polo sistema extraordinario para que non teñan que estar 5-6-6 e
7 anos respectivamente antes de poder pasar
ao grao superior.
6.- Na Base Oitava cando fala do
sistema extraordinario de acceso aos graos I e II o borrador di que “pode
acceder ao grao II aquel persoal funcionario que xa teña recoñecido o grao I
debe acreditar 11 anos ininterrumpidos
de antigüidade a 31/12/2021”. Pedimos que se elimine a palabra ininterrumpidos, pois afectaría negativamente
a aqueles titulares que se fosen no concurso uns anos fora, a quenes promocionen
fora de galicia, a quen disfrutase de excedencias que non teñen reserva de praza
e ao persoal interino. Non ten sentido que exixan a antigüidade de xeito
ininterrumpido, ten que ser suficiente a antigüidade a secas, salvo que sexa
para aforrrar cartos unha vez máis.
7.- Que se modifique a Base Quinta
para que os que accedan por o sistema ordinario teñan os mesmos criterios de
avaliación que os que acceden polo
sistema extrardinario
8.- Pedimos que a permanencia no
grao II para poder pasar grao III sexa para tódolos corpos de 2 anos, pagándose
o 50% da cantidade total cada un dos anos.
9.- No borrador dice que para os funcionarios dos grupos A1 e A2, que
comenzan o segundo grao en xaneiro do ano 2023, os meritos están referenciados
a 31/12/2021, debe cambiarse e poñer
como referencia a data de 31/12/2022, se non quedaría xente fora por non ter
méritos suficientes referenciados á primeira das datas.
10.- Pedimos que se abra ao mesmo
tempo que para tramitadores e auxilios, o prazo para solicitar o grao II os
xestores e médicos forenses e poidan soliciatr o grao II aqueles que xa teñan
os méritos, mantendose aberto ata finais de xaneiro, para aqueles outros que
non os posúan e poidan acadalos ata o 31/12/2022. Con esto ganaríamos tempo e o
pagamento seria dende principios de ano, e non como se fixo no 2020 e está a
facer agora que levan case un ano de retraso no recoñecemento e no pago.
11.- Pedimos eliminar a Base Décima,
que lles permite aumentar os anos de permanencia en cada grao e/ou reducir o
porcentaxe dos cartos determindos en cada anualidade se por motivos non
previstos resultase aumentado o ámbito subxectivo, e decir as persoas con
dereito ao cobro da traxectoria, de xeito que se incremente o custo. Como non
ten desperdicio deixamos a Base na súa literalidade.“Coa finalidade de
garantir a suficiencia e a sustentabilidade orzamentaria, no suposto que
mediante circunstancias non previstas no presente acordo resulte ampliado o seu
ámbito subxectivo, de xeito que se incremente o custo da impalnntacion do
sistema transistorio de recoñecemento na carreira administrativa, poderán
modificarse as anualidades e/ou as porcentaxes de pagamento previtos na base
oitava.”