O venres pasado celebráronse dúas reunións coa Xunta de Galicia, na primeira delas cun representante da xunta de persoal e a segunda cos sindicatos a fin de informar sobre a planificación do traslado á nova Cidade da Xustiza de Vigo da que destacamos o seguinte:
As obras están a rematarse, o traslado é
inminente, finais de outubro principios de novembro.
A
día de hoxe non existe unha data de inicio, as noticias que circulan polos
xulgados non son certas. Unha vez que se produza a recepción definitiva da obra
informarase aos dous primeiros xulgados que deban trasladarse. Estes serán os
contenciosos e avisaráselle cunha antelación mínima de sete a dez días.
Todo
depende da recepción definitiva, descoñécese o día en que se producirá esta,
motivo polo cal non se pode fixar o inicio do traslado.
Como sempre se dixo, trasladaranse dous
xulgados por semana, o traslado non será simultáneo , primeiro un e cando
termine continuarase co segundo .
Os
órganos xudiciais poderán poñerse de acordo cal deles debe de trasladarse en primeiro
lugar atendendo ás necesidades das vistas sinaladas esa semana.
O feito de que un xulgado xa se mudara non
significa que non poida continuar cos xuízos sinalados na Rúa Lalín se iso lle resulta máis cómodo dado que as salas continuarán operativas durante un
tempo prudencial .
Unha vez que se inicien os traslados
continuarán segundo o cronograma facilitado ata a finalización de todos os
órganos; non se fará descanso en nadal.
O Director Xeral recomenda que todos estean
presentes na semana que lle corresponda para un maior control, só é unha
recomendación. Facilitaranse todas as caixas necesarias .
O mobiliario será todo novo. Aqueles
compañeiros que dispoñan de cadeira anatómica poderán trasladala ao novo
edificio, para iso deberán de poñer o seu nome e será depositada no novo destino.
Existen tres portas de acceso, unha para o xulgado de garda, outra frontal á Praza Miguel Ángel Blanco e unha terceira
posterior á Rúa Vázquez Varela. En principio será todas de acceso e saída non
existindo portas específicas para funcionarios.
O
garaxe dispón de dúas entradas, unha á Rúa Padre Feijoo e outra á Rúa Pizarro ao que
se accederá con tarxeta.A Dirección Xeral pretende reservar unhas trinta prazas para xuices, fiscais , compañeiros e compañeiras con necesidades de conciliación familiar, aqueles que teñen rapaces pequenos ou persoas maiores ao seu cargo e dispoñen de flexibilización horaria chegando máis tarde do habitual ao seu posto de traballo.
Os xulgados do social dispoñerán nas plantas
baixas dunhas salas de conciliacións e desta maneira evitaranse aglomeracións nos
devanditos órganos; polo Director Xeral recoméndase o uso das mesmas e que non
se fagan nos xulgados.
Dispoñerase no seu momento , non en principio,
de Wifi xeral en todos os espazos comúns do edificio.
Só
existen tres salas de vistas neste momento debidamente equipadas, as demais
atópanse en preparación. Concretamente a día de hoxe só se poderían mudar seis
xulgados que compartisen sala de vistas. Creemos que aos informáticos réstalles
moito traballo por realizar.
Os xulgados de familia dispoñerán dunha “ sala
amable” para a exploración de menores.
Quedan servizos por situar ( tradutores,
informáticos así como as ligazóns da policía local e nacional) . En canto ao
servizo de apud-actas tentarán que estea o mais preto posible do xulgado de garda.
A escola infantil, si ben a Dirección Xeral non tiña noticias da mesma, podemos decirvos que este curso académico non entrará en funcionamento tal como nos dixo nunha consulta anterior a Consellería de Familia contradecindo o manifestado nunha consulta feita a principios deste ano .
Unha vez máis insistimos en que se nos permita
esta semana acceder ao edificio e así poder comprobar cal é o estado das obras.
Polo Director Xeral respóndesenos que iso depende da Secretaría Xeral Técnica.
Pola xunta de persoal remitirase novo escrito tentando realizar dita visita que
xa estaba acordada antes do verán.