jueves, 25 de noviembre de 2021

STAJ INFORMA: DOSSIER XUBILACIÓNS CLASES PASIVAS

O Réxime de Clases Pasivas forma parte do Réxime Especial da Seguridade Social dos Funcionarios do Estado (que está en extinción),  ningún funcionario de novo ingreso pódese vincular a el, ten data de caducidade e como ben sabedes, dende o 1 de xaneiro de 2011, ditos funcionarios quedan integrados no Réxime Xeral da Seguridade Social aos efectos exclusivos de pensións e ao resto de continxencias (Incapacidade temporal, asistencia sanitaria, etc.) seguirán protexidos polo  Mutualismo Administrativo xestionado por  MUFACE,  MUXEXU ou  ISFAS.

O Réxime de Clases Pasivas garante pensións aos funcionarios civís da Administración do Estado, de Xustiza, das Cortes Xerais, Defensor do Pobo, Forzas e Corpos da Seguridade do Estado, persoal militar de carreira e como curiosidade tamén a ex-presidentes, vicepresidentes e ex-ministros, fronte aos riscos de vellez, incapacidade e morte ou supervivencia; mentres que  MUXEXU dános a acción protectora, como mencionamos anteriormente, entre outras, as prestacións sanitarias, subsidio por incapacidade temporal, prestación por incapacidade permanente e gran invalidez, ....

As pensións e a súa reforma son un tema preocupante e de alto interese para os funcionari@s e os xubilad@s. Calquera indicio de modificación xera incerteza aos afectad@s.

Dende  STAJ queremos informarvos do estado actual do Réxime de Clases Pasivas, por iso elaborouse un dossier amplo, detallado e de grande interese e que  podedes visualizar na seguinte ligazón:

   

STAJ, sindicato independente e específico de Xustiza, sen subvencións e sen ataduras