Problemas coa obtención do certificado de vacinación Covid-19

Ante a   cantidade de problemas que están a xurdir á hora de entrar e de obter o certificado de vacinación Covid-19 na páxina e-saude, ben coa Chave 365 ben con DNI electrónico, pola saturación do  sistema queremos facer unha serie de precisións:

 Postos en contacto coa   Dirección Xeral de Saude Pública no teléfono  881 54 29 30, infórmasenos que a mellor forma de  obter este certificado en papel é dirixíndose a un centro de saúde co DNI do titular onde se lle expedirá unha certificación impresa en papel.

Pódese obter a nome doutra persoa co DNI do autorizado e autorizante por escrito asinando o consentimento os dous .

Si se se tenta conseguir o certificado en FORMATO DIXITAL tanto en e-saude como en Pass Covid (aplicación similar á anterior para móbil) lembrade que é necesario ter instalada chave 365 (preme aquí para pedir a alta en chave de forma telemática ou presencial) e dar autorización. Esta autorización pódese facilitar  tanto  no momento da vacinación como en calquera centro de saúde de forma presencial.

Nos servizos de Atención ao Paciente, que existen en determinados centros santarios (hospitais, etc) tamén se están facilitando estes certificados. 

Tamén coñecemos casos de expedición do código de acceso e mesmo do propio certificado no momento da vacinación dándolle a coñecer ao persoal de control a nosa afiliación á MUGEJU, atendendo de de inmediato o persoal administrativo presente no centro de vacinación que ben che facilita o código para obter o certificado ou che facilita directamente o certificado impreso, esto cónstanos que está a pasar en varios centros de vacinación.

STAJ, sindicato independente e específico de Xustiza, sen subvencións e sen ataduras